Muqdisho{RBC Radio} Qaraxyo loo adeegsaday gaadiid laga soo buuxiyey waxyaabaha qarxa ayaa daqiiqado ka hor lagu weeraray Maqaayadda The Village ee agagaarka guriga Hooyooyinka magaalada Muqdisho ee caasimadda Soomaaliya.
Qaraxyada oo ahaa Labo qarax oo isxigxigay oo ismiidaamin ahaa ayaa waxaa loo adeegsaday gaadiid laga soo buuxshay walxaha qarxa kuwaas oo sida aan wararka ku heleyno ku qarxay Barxadda Iskaashatooyinka dhabarka danbe ee Maqaayadda Village oo ay xiligaas ku sugnaayeen dad aad u fara badan.
Meydadka dad ku dhintay qaraxyada ayaa goobta daadsan waxaana sidoo kale goobta hawlo gurmad ah ka wada gaadiidka gurmadka deg degga ah oo dhaawacyada ka daad guraynaya goobta uu qaraxu ka dhacay,qaraxyada ayaa sidoo kale burbur baahsan u geystay dhismayaasha gawaari goobta yaallay iyo guryaha ka agdhow halka weerarka lala beegsaday.
Warar kala duwan ayaa kasoo baxaya khasaaraha ka dhashay inta la xaqiijiyey 12 ruux oo shacab ah ayaa ku dhintay qaraxyada Ismiidaaminta ah ee Muqdisho ka dhacay,dib ayaan idiinka kasoo gudbin doonaa Faah faahinta qaraxyada Muqdisho ka dhacay.
RBC Radio
Use Facebook to Comment on this Post
