Garoowe( RBC RADIO) Xili si xoogan loo adkeeyey Koontoroolada Gobolada Puntland kadib markii Wareegto kasoo baxday Wasaarada Maaliyada Puntland lagu mamnuucay in lacagaha Sh, Soomaliga ah aan loo gudbin Karin Kuunfurta Dalka Soomaliya iyo Xataa Gobolada Puntland ayaa waxaa Mar kale ciidanka Amnigu Qabteen Lacag dhan 190 Malyan oo ay wadeen gawaarida Xamuulka Qaada iyadoo lacagtaasi ay la wareegtay Dowlada Puntland ganaaxna la duldhigay cidii wadatay iyo Gaarigii ay lacagtaasi saarnaydba.
Wasiir ku xigeenka Wasaarada Maaliyada Puntland Cabdi Ibraahim Warsame Qawdhan oo Saxaafada la hadlay wuxuu sheegay in Lacagtan la qabtay xili la doonayay in loo Gudbiyo Magaalada Boosaaso horayna ay u mamnuuceen in gobol kasta ay lacagtiisa nagi ku ahaato oo uusan Gobol kale usoo Gudbin sidoo kalena aan Kuunfurta Soomaliya Kaashka loo gudbin Karin hase ahaatee arintaasi ay dad doonaya in ay argagax geliyaan Dhaqaalaha Puntland ay Amar diido ka sameeyeen sida uu Wasiirku yiri, Waxaana Lacagtan 100 Malyan oo ka mid ah lagu Qabtay Koontaroolka Garoowe halka 90 Malyan oo lacagtaasi ka mid ah lagu qabtay Magaalada Boosaaso ee Xarunta Gobolka Bari, iyadoo Wasiir ku xigeenku uu Digniin adag markale u diray Dadka lacagaha isaga kala gooshinaya Gobolada Puntland kadibna doonaya in ay u dusiyaan Kuunfurta Dalka taasi oo Sababi Karta in uu sii laba jibaarmo ciqaabta ay mutaysan karaan dadkaasi hadii ay isku adkeeyaan talaabooyinka Caynkaasi ooo kale ah, wuxuu sidoo kale Wasiir kuxigeenka Maaliyada Puntland (Qawdhan) u mahadceliyay Ciidanka Koontoroolada ku sugan oo uu sheegay in ay ka soo bexeen awaamiirtii la faray wuxuuna ugu baaqay in ay si xoogan usii fowjignaadaan.
Mudane Cabdi Ibraahim Warsame (Qawdhan) oo dhawaan uu Madaxweynaha Puntland u magacaabay Gudoomiyaha Gudi shaqadooda ay tahay Daraasaynta iyo talo bixinta Dhaqaalaha & Sarifka Lacagaha ayaa sheegay in Gudiga uu hogaamiyaha u yahay ay kulamo dhawr ah yeesheen ayna dhawaan go’aamo soo saari doonaan kaasi oo la xariira xadaynta Dhaqaalaha Puntland kaasi oo uu ku tilmaamay in ay tahay xalka u muuqday iyaga iyo warbixino kale oo dhaqaalaha la xiriira oo ay soo saari doonaan.
Tan iyo markii Kuunfurta Dalka Soomaliya uu sicir barar ka dilaacay ayaa Puntland bilowday in ay joojiso Lacagaha Sh, Soomaaliga ah in ay u gudbaan Kuunfurta Dalka Si Bulshada Puntland ku dhaqan aysan u saamayn Sicir Bararka taana ilaa hada ay ku jirto la dagaalankeeda Sida ay Madaxda Puntland sheegeen.
Ibrahim Wadani.
RBC RADIO
Xafiiska Garoowe.
Use Facebook to Comment on this Post
