Muqdisho{RBC Radio} Ergada ka qeyb galeeysa shirweynaha qaran ee geedi socodka siyaasada soomaaliya iyo hiigsiga sanadka 2016ka ayaa maalintii sedaxaad galay waxaana laga dooodayaa nuuca uu noqon karo nidaamka federaaliisimka ah ee ay Soomaaliya u baahantahay iyo awoood qaybsiga Khayraadka Dalka Soomaaliya.
Markii uu furmay shirweynaha qaran ee maalintii sadexaad Muqdisho ka socda ayaa waxaa ka hadlay masuuliyiin kala duwan waxaana ka mid ahaa Xoghayaha joogtada ah ee wasaarada arimaha gudaha iyo amaanka qaranka Abukar waxaana uu tafaasiil ka bixiyay sharciga ay u sameeysay wasaaradu dejinta nidaamka federaalka iyo nabadaynta gobolada dalka si loo hirgeliyo nidaamka federaaliisimka.
Xoghayaha Joogtada ah ee wasaarada arimaha gudaha iyo amaanka qaranka ayaa ka hadlay qaabka ay nidaamka federaaliisinka ku gaarsiinayso gobolada dalka waxsaana uu sheegay in laga soo bilaabayo nidaamka federaalka qaybaha hoose ee maamul dhisida degmooyinka iyo gobollada taasina ay fududayn karto in nidaamka federaaliisimka lasoo gaarsiiyo illaa heer qaran.
Waxa uu sidoo kale soo hadal qaaday xoghayuhu adkaynta amaanka gobolada dalka iyo qorshaha cusub ee wasaaraddu ugu tala gashay amniga dalka waxa uuna tilmaamay in ay wasaaradu ku hawlantahay sidii loo xaqiijin lahaa amaanka dalka iyo sidii ay u hirgelin leheed nidaamka federaalka.
Waxaa dhinaca kale Shirweynaha qaran hadal ka jeediyay safiirka cusub ee dowlada UK u fadhiya dalka soomaaliya Neil Wigan. ,waxana uu si diiran u soo dhaweeyay shirweynahan qaran ee maalintii sadexaad Muqdisho ka socdo kaasi oo ay dowladda Soomaaliya Soo abaabushay waxaana uu xusay in dowladiisu dhiiri gelinayso shirka nuucaan oo kale ah.
Neil Wigan. ayaa sidoo kale ka hadlay heshiiskii ay dowlada soomaaliya iyo maamulka Jubbaland ay ku gaareen magaalada Addis ababa ee xarunta wadanka Itoobiya, waxaana uu sheegay in ay soo dhoweyanaan qodobadii ka soo baxay heshiiska ayna taageereyso dowlada Ingiriiska heshiiskaas.
RBC Radio
Xafiiska Muqdisho
Use Facebook to Comment on this Post
