Xog-hayaha guud ee Qaramada Midoobay Ban Ki Moon
Ban Ki Moon xog-hayaha guud ee Qaramada Midoobay ayaa markii ugu horeysey si faah-faahsan uga hadley xaaladda xiligaan ka jirta Soomaaliya,waxana uu baaq markale ku direy in lataageero ciidamada nabad ilaalinta ujooga Soomaaliya.
Ban Ki-moon waxaa uu si cadd u sheegey in wali Soomaaliya ay ka jirto khatar saameen ku yeelan karta gobollka oo dhan,waxana uu ka digey in la fiirsado xaaladda dib unoqoneysa ee xiligaan ka jirta guddaha Soomaaliya,waxaa sidoo kale uu sheegey inay jirto awoodii kooxihii ka soo horjeedey dowladda Soomaalida,taasina ay tahay sida uu carabaabey midi caalamku uu ka dirirayey in ay gasho Soomaaliya.
Mr.Ban waxuu cabsi xooggan ka muujiyey awooda ay lasoo laba kac-leeyn xoogga al-Shabaab ee ka dagaalama guddaha Soomaaliya,kuwaaso uu ku tilmaamey inay xiligaan muuqato awood hor-leh oo ay lasoo baxeen.
….”‘”‘Soomaaliya waxaa ka muqda markii la eego siyaasadeeda,ammaankeeda iyo horumarkaba isbadal,haddana waxaa jirta in dalku uu umuqdo mid dib ugu laabanaya halkii u horey kasoo dhaqaaqey,waxaa jirta in ay dib usoo laabaneyso awoodo kooxdi lala-dirirayey ee al-Shabaab,waxay weeraro wali kawada guddaha magaaladda caasumada ah ee Muqdisho taasna ma ahaa in caalamku uu daawado ee waa in talaabo cadd la qaadda…”"”ayuu yiri Ban Ki Moon xog-hayaha guud ee Qaramada Midoobay.
Xog-hayaha guud ee Qaramada Midoobay waxaa uu sidoo kale hadalkiisa kusoo qadey inay jirto in kooxda al-Shabaab oo uu sheegey inay xiriir la leedahay Al-Qaacida inay wali hortaagan tahay nabadd ka dhalata Soomaaliya iyo Muqdishaba.
Al-Shabaab oo markale laga digey khatartooda
….”‘”‘Al-Shabaab wali waxaa ka muuqata inay hor-taagan yihiin ammaanka ka dhasha guud ahanba Soomaaliya,waxaa jirta xiriiro ay la leeyihiin Al-Qaacida waxana ay u suura galinayan in saldhiggyo ka sameeystan guddaha Soomaaliya,waxaa muqata tababaro ay wali siinayan dagaal yahanadooda si guddaha Soomaaliya weeraro uga geestan,balse waxaa loo bahan yahay in caalamku uu ogaado dhibaatadda inaysan ku ekaan doonin Soomaaliya ee waxan saamen ku yeelaneysa gobollka oo dhan….”"”ayuu yiri Mr.Ban.
Ugu danbeenti Mr.Ban waxaa uu hadalkiisa kusoo qadey in gacan lasiiyo ciidamada nabad ilaalinta ujooga Soomaaliya ee AMISOM,waxana uu caalamka kala hadley sidii ciidamada loo sin laha diyaaradaha qummaatiga u kaca ee helicopters-ka,maadama sida uu sheegey diyaaradahaasi ay fududeenayan inay ka hor tagaan khatar badan.
Hadalkaan kasoo yeerey Ban Ki Moon waxaa uu ku soo aadaya iyaado xooggaga al-Shabaab ay weeraro ugeesanayan xaruumaha hay’addaha sama-falka iyo QM,ay ku leeyihiin guddaha Soomaaliya gaar ahana magaaladda caasumada ah ee Muqdisho.
______________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
