Marka{RBC Radio} Wafdi balaaran oo uu hogaaminayo madaxweynaha jamhuuriyada federaalka soomaaliya mudane Xasan Sheekh Maxamuud ayaa maanta safar dhulka ah uga ambabaxay magaalada Muqdisho ee caasimada Soomaaliya, waxa uuna gaaray magaalada marka ee xarunta gobolka shabeelada hoose.
Wafdiga madaxweynaha uu hogaaminayay ayaa si diiran loogu soo dhoweeyay magaaladda Marka ee xarunta gobolka Shabeeladaa hoose,waxaana ka qayb ahaa wafdiga madaxwenaha wasiirka cadaalada arimaha diinta iyo owqaafta C/llahi Abyan Nuur,wasiirla gaashaandhigga C/xakiin Xaaji Maxamuud Fiqi,wasiirka arimaha gudaha iyo amniga qaranka C/kariin Xuseen Guuleed,taliyaha Hay’adda nabad sugida Bashiir Maxamed Jaamac iyo Xildhibaano.
Madaxweynaha Jamhuuriyadda Federaalka ah ee Soomaaliya ayaa saakay barqadii safar dhulka ah ku aaday gobolka shabeelada hoose waxaana uu siiimaray sii maray degmooyin ka tirsan gobolka oo ay dhigan jireen isbaarooyin rag gashan dereyska ciidamada qalabka sida ee Soomaaliya waxaana laga waayay saakay goobohii ay isbaarooyinka dhigan jireen kadib safar dhulka ah oo uu madaxweynuhu ugu amba baxay gobolkaasi.
Madaxweynaha ayaa u koorgeli doona xaaladaha amni ee gobolka, waxa uuna kala hadli doonaa maamulka gobolka sidii loo adkayn lahaa amaanka gobolka,waxaana madaxweynuhu ku sugnaan doona mudo labo maalmood ah gobolka shabeelada hoose waxa uuna kulamo kala duwan la qaadan doono qeybaha kala duwan ee bulshada.
Wasiirka gaashaandhiga xukuumada federaalka ah ee Soomaaliya C/xakiim Xaaji Maxamuud Fiqi ayaa warbaahinta u sheegay in madaxweynaha uu caawo ku hoyan doono magaalada Marka waxaana kulmo la yeelan doonaa mas’uuliyiinta maamulka gobolka shabeelada hoose iyo odoyaasha Beelo ay dhowaan dowladu ku heshiisiiday Magaaladda Muqdisho ee caasimadda dalka Soomaaliya.a
waa markii ugu horaysay oo uu madaxweynaha Soomaaliya safar dhulka ah uu uga socdaalo magaaladda Muqdisho, isaga oo booqanaya gobol ka tirsan goboladda dalka Soomaaliya, taasina waxay dhiiri gelin u noqon doontaa madaxd badan oo baqdi ka muujin jirtay goboladda dalka.
RBC Radio
Xafiiska Muqdisho
Use Facebook to Comment on this Post
