Madaxweynaha Soomaaliya Xassan Sheekh Maxamuud
Muqdisho[RBC Radio]Madaxweynaha Soomaaliya Xassan Sheekh Maxamuud ayaa maantey casumaad u fidiyey dajirayaasha dalalka ku leh safaaradaha Soomaaliya iyo wakiillada ururrada calaamiga ah,waxana uu uga warbixiyey shirka ay qaaten arrimo dhor ah oo ay ka mid yihiin xaaladda dalka xiligan ka jirta,shirkii Addis Ababa kusoo idladey iyo shirka la doonayo inuu 16-ka bishan ka dhacaya magaalada Brussels ee dalka Belgium.
Shirka uu madaxweeyne Xassan la qatey dajirayaasha dalalka ku leh safaaradaha Soomaaliya iyo wakiillada ururrada calaamiga ah ayaa waxaa uu ka dhacay xafiiskiisa.
Madaxweynaha Soomaaliya ayaa ugu horen ka warbixiyey shirkii ay dhawaan dowladda faderaalka Soomaaliya heshiiska kula gashey maamulka Jubba,waxana madaxweynuhu sheegey inuu ahaa heshiiska mid guul ku soo dhamaadey labada dhinacna is-afgarad kusoo kala tageen.
Xassan Sheekh madaxweynaha Soomaaliya waxaa uu hadalkiisa beesha caalamka kaga dalbadey inay taageeraan natiijadii shirkii Addis Ababa,maadama lugu xaliyey khilafkii dhexyaaley maamulka Jubba iyo DFS.
Waxaa uu madaxweynuhu codsi usoo jeediyey beesha caalamka isagoona ka dalbadey in loo gargaaro shacabka ku dhaqan magaalada Kismaayo iyo gobollada Jubbooyinka iyo Gedo,kadib markii gobollada la sheegey inuu ku yar yahay deeqaha gar gaarka ee la siyo.
Dhinaca kale waxaa uu madaxweynahu shirkiisa si qoto dheer u faah-faahiyey shir lugu waddo inuu 16-ka bishan ka dhacaya magaalada Brussels ee dalka Belgium,kaaso looga hadlayo horumarinta dalka.
Diblumaasiyiintii uu madaxwayna qaabilsay waxaa qeyb ka ahaa danjiraha dalka Jabuuti, midka Ingiriiska, Sweden, Suudaan Itoobiya iyo wakiillada dalalka Midowga Yurub, Jaamacadda Carabta iyo urur goboleedka IGAD iyo kuwa Qaramada Midoobay.
Waa markii ugu horeysey ee uu madaxweynaha Soomaaliya Xassan Sheekh Maxamuud kala hadlo dajirayaasha dalalka ku leh safaaradaha Soomaaliya iyo wakiillada ururrada calaamiga ah xaaladdaha xligan ka jira dalka iyo kuwa kusoo fooleh.
___________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
