Garoowe (RBC RADIO) Wasiirka Wasaarada Caafimaadka Puntland Dr Cali C/laahi Warsame oo ka mid ah Wafdi uu hogaaminayo Madaxweynaha Puntland Dr C/raxmaan Maxamed Maxamuud faroole ayaa isaga oo jooga magaalada Nairobi mar uu la hadlayay Warbaahinta Gudaha wuxuu sheegay in Beesha Caalamka iyo Midowga Yurub ay u gudbiyeen in Xukuumada Federaalka ee Soomaliya aysan Matalin Puntland kadib markii uu khilaaf soo kala dhex galay 2da Dhinac danaha Shacbiga Puntlandna aysan matali karin Dowlada Muqdisho sida uu hadalka u dhigay Wasiirka oo u waramayay Radio Garoowe.
” sidaad la socotaan waxaan taknay dalka kenya hawlo ayaana halkaasi u jognaa oo madaxweyne faroole ayaa ina hogaaminaya, tan iyo intaan taknay waxaan la kulannay Hay’adaha Caalamka iyo Midowga yurub Safiiro ka socda waxaana u gudbinaynay Mowqifkeena ku aadan dhanka Dowlada Federaalka iyo inaan xiriirkii u jarnay Xukuumada Muqdisho kadib markii Dastuurkii dalka lagu xadgudbay,Marka Madaxweynuhu wuxuu la kulmay Wafuud Talyaaniga ka socota dhawaanah wafdigaasi Puntland ayeey gaari doonaan arimo muhiim ah ayeeyna Puntland kasameyn doonaan, sidaa darteed dhamaan dadkii aan la kulannay waxaan u gudbinay wax aysan ogayn iyo xaalada dhabta ah ee Dalka kajirta Dhanka siyaasada iyo Amniga marka loo eego, sidaana waxaa yiri Wasiirka caafimaadka Puntland.
Wasiirka ayaa sheegay in Shirka Brussels ka dhici doonaa ee Arimaha Soomaliya iyo Dib u dhiskiisa looga hadlayo ay ka qayb galayso oo kaliya Puntland marka si gaara loo casumo oo aysan cidina Masuul ka noqon sidana waxaan u sheegnay buu yiri Wasiirku in ku dhaw 20meeyo Safiir oo Dalkan Kenya u jooga Midowga yurub,Wasiirku wuxuu sheegay in Puntland ay iyada Is matasho intii laga helayo Maamul goboleedyo kale oo Sharuudaha soo buuxiya sida uu qabo buu yiri Dastuurka Dalka.
Dr Cali wuxuu sheegay in Beesha Caalamka ay hordhigeen in Dowlada Soomaliya aysan Matali karin Puntland kadib markii ay buuxin weyday Shuruudihi looga fadhiyay ayna jabisay heshiisyo badan oo la galay Dastuurkiina ay baalmartay wuxuuna rajo ka muujiyay in ay ku guuleysan doonaan ujeedkii ay u tageen Dalka kenya.
Hadalkan wuxuu imaanayaa iyadoo madaxweynaha Soomaliya Xasan Sheekh Maxamuud uu sheegay in loo baahan yahay Wadahadal lala galo Puntland si xal loo gaaro Walow Puntland geed dheer u fuushay sidii ay uga madaxbaaanaan lahayd Xukuumada Soomaliya kadib markii ay waxyaabo badan isku afgaran waayeen.
RBC RADIO
Xafiiska Wararka Garoowe..
Use Facebook to Comment on this Post
