Garoowe[RBC Radio]Dowladda Puntland ayaa si cadd u sheegtey inay doonayan wax ka qabashada xuquuqda aadanaha,waxana la sheegey in xiligaan dhowrista xuquuqda aadanaha ay ka dagsan tahay qorshayaal badan.
Hadalkaan waxaa uu yimid kadib markii magaaladda Garoowe ee caasumada Puntland uu soo garey khabiirka madaxa-bannaan ee Qaramada Midoobay u qaabilsan xuquuqda aadanaha ee Soomaaliya Shamsul Bari.
Shamsul Bari ayaa si diiran loogu soo dhaweeyey magaaladda Garoowe waxana uu kulan la qaatey guddoonka baarlamaanka iyo wasiiradda ka tirsan dowladda Puntland oo ay kawada hadleen arrimo dhoor ah.
Kulamada ay yeeshen masuuliyinta Puntland iyo khabiirka madaxa-bannaan ee Qaramada Midoobay u qaabilsan xuquuqda aadanaha ee Soomaaliya Shamsul Bari ayaa la tilmamey in diirada lugu saarey sidii loo ilaalin lahaa xuquuqul Inskaanka.
Cabdirashiid Maxamed Xirsi guddoomiyaha baarlamaanka Puntland ayaa saxaafada lahadley kulamadooda ka dib waxana uu sheegey in khabiirka ay u gudbiyeen waxyaabaha ay dowladda Puntland ugu talagalay xuquuqda aadanaha,waxana uu sheegey guddoomiyuhu inu ku qancey warbixintooda iyo qorshayaasha ay sheegen inay xiligaan ka dajiyeen xuquuqda aadanaha.
Guddoomiyuhu waxaa uu si cadd u sheegey in dhawaan Puntland laga furi doono xafiis u gaar ah xuquuqda aadanaha,kaaso wax looga qabanayo wax yaalaha lidiga ku ah xuquuqda aadanaha.
Ugu danbeenti Cabdirashiid Maxamed Xirsi guddoomiyaha baarlamaanka Puntland waxaa uu xusey in Shamsul Bari uu yahay saaxibka Puntland ayna soo dhawenayan markasta dadaalka uu ugu jiro in la dhowro xuquuqda aadanaha.
Dhinaca kale waxaa isna Puntland uga mahadceliyey qorshayaasha cadd ee kaga dagan inay dhowrto xuquuqda aadanaha Shamsul Bari.
Horey waxaa uu usoo marey khabiirka madaxa-bannaan ee Qaramada Midoobay u qaabilsan xuquuqda aadanaha ee Soomaaliya Shamsul Bari magaaladda Muqdisho halkaaso uu kulamo kula soo qatey masuuliyin iyo qeybaha bulshada.
____________
Iimaan Maxamed Jaamac
Deegaan1994@gmail.com
RBC Radio
Use Facebook to Comment on this Post
