Qardho[RBC Radio] Waxaa maanta magaalada Qardho soo gaaray Musharax Cali Cabdi Awaare oo ka mid ah Musharixiinta u taagan xilka madaxtinimada Maamulka Goboleedka Puntland,waxana soo dhaweyntiisa ka qeybgalay qeybaha Bulshada ku dhaqan magaalada Qardho,iyadoo looga hortagay meel ka baxsan magaalada,kadibna waxaa loo soo galbiyey hotel Embeye oo la dajiyey Musharaxa.
Markii uu soo gaaray Magaalada ayaa waxa uu la hadlay dadweynihii soo dhaweeyey waxa uuna sheegay in uu aad u rajeenayo in uu ku soo baxo doorashooyinka la filayo in ay dhacaan 8 January 2014ka.
Sidoo kale Musharax Cali Cabdi Awaare ayaa sheegay in uu marayo dhammaan degmooyinka iyo tuulyinka Puntlan si uu gaarsiiyo Olalihiisa Musharaxnimo,waxaana la filayaa inta uu ku suganyahay Magaalada Qardho in uu kulamo la yeesho Odayaasha iyo waxgaradka magalada Qardho.
Dadkii maanta ka qeybgalay soo dhaweynta Musharax Cali Cabdi Awaare ayaa waxa ay sheegeen in ay ku faraxsanyihiin in uu is ku soo taago xilka Madaxtinimada Maamul Goboleedka Puntland,waxa ayna sheegeen in ay taageero u hayaan Musharaxa.
Waa musharixii ugu horeeyey ee soo gaara magaalada Qardho tan iyo wixii ka danbeeyey markii la hakiyey doorashooyinkii Goloyaasha Deegaanka,waxaana la filayaa in magaalada Qardho ay soo gaaraan Musharixiin kale.
Use Facebook to Comment on this Post
