Muqdisho{RBC Radio} Xukuumadda Federaalka Soomaaliya ayaa shaacisay in ay dib u howl gelin doonto diyaaradii ay lahayd Soomaaliya ee Somali Airlines, taasi oo aan shaqayn mudadii ay Soomaaliya ku jirtay foodada iyo kala danbayn la’aanta.
Wasiirka wasaarada warfaafinta Xukuumadda Soomaaliya C/llaahi Ciil-Mooge Xirsi ayaa tilmaamay in dhawaan ay diyaaradii Somali Airlines bilaabi doonto howlaheedii shaqo kaasi oo aan shaqay muddo dheer, wuxuuna sheegay in ay dowlada Soomaaliya dadaal dheeri ah ugu jirto sidii ay marka kale u howl bilaabi lahayd Diyaaraddi Soomaali Airlines,
C/llaahi Ciil -Mooge Xirsi Wasiirka wasaaradda warfaafinta ayaa sheegay in ay ugu tala galeen 4 diyaaradood oo casri ah in ay ku hawl gasho,kuwaasi oo uu wasiirku sheegay in ay u ballan qaadeen wadamo uusan magacooda xusin,waxaa uu wasiirku sheegay in ay diyaariyeen injineeradii duulin lahaa diyaaradaha.
wasiirka wasaarada warfaafin Boostada iyo isgaarsiinat C/llaahi Ciil-mooge Xirsi ayaa xusay in sanadkan gudihiisa ay bilaaban doonaan shaqada diyaaradaha Somali Airlines, taasina ay is bedel muuqda keeni doonto markay shaqa bilaabaan.
RBC Radio
Xafiiska Muqdisho
Use Facebook to Comment on this Post
