Clik here to view.
Guddoomiye Kuxigeenka Jaaliyadda Puntland ee dalka Jarmalka Cabdiqaadir Xaaji Cali”Malaay”
Boosaaso[RBC Radio] Guddoomiye Kuxigeenka Jaaliyadda Puntland ee dalka Jarmalka Cabdiqaadir Xaaji Cali”Malaay” ayaa maanta Deeq Isugu jirta Cunto Iyo Kutub gaarsiiyey Carruur lagu daryeelo Xarun kutaala Boosaaso.
Carruurtan oo horey u ahaan jiray Darbi-jiir iyo Xabag-dhuuq ayaa laga soo kala aruuriyey daafaha magaaladda taasoo ay Isu Xilqaameen Guddi ka kooban Culuma’udiin,Nabadoono kuwaas oo ku dadaalay sidii ay horumar u sameyn lahaayeen.
Guddoomiyaha Xanaaneynta Carruurtan Shiikh Maxamed Jaamac oo warbixin kooban ka bixiyey marxaladihii ay soo martay noloshooda ayaa sheegay in laga soo aruuriyey Carruurtan iyagoo taagtaagan Waqda Qaadka, Isbitaalka iyo Masjidka Al-Hudda agagaarkooda.
Here is the Music Player. You need to installl flash player to show this cool thing!
DHAGEYSO Codka: Guddoomiyaha Xanaaneynta Carruurtan Shiikh Maxamed Jaamac
Shiikh Maxamed Jaamac ayaa tilmaamay in muddo shan sano ah Carruurtan lagu Xanaaneynayey Machadka Islaamiga ah ee Xanaanada Agoomaha, wuxuuna xusay iney gacan qabtaan ama Taageeraan dadka Muslimiinta ah mana jirto Caawimaad kale oo uga timaada dhanka Hay’adaha iyo mid dibadeedba..
Image may be NSFW.
Clik here to view.
…..””” Muddo shan ah ayey hadda ku jiraan,waxaa gacan qabta oo taageera waa dadka Muslimiinta ah oo Muxsiniinta ah,gacan dibadeed iyo gacan hay’adeed anagu intuba ma aragno…..””ayuu yiri Shiikh Maxamed Jaamac.
Wuxuu sheegay Shiikhu in dhismaha ay ku jiraan Carruurtu uu yahay mid lacag looga qaado ama kiro ah,Isagoona ka codsaday Jaaliyadda Puntland ee Jarmalka iney ka qeybqaadato dhisme cusub ay dhawaan u gadeen si looga baxo dhaqaalaha faraha badan eek u baxa dhismaha hadda.
…..””Guriga ay ku jiraan waa mid koro ah,lacagta aan ku bixinana waxa weeye mid 200 dollar,haddana waxaan gaday dhul awoodeenu noqotay 30×20 ah,waxaana Jeclnahay inaad nagala qeybqaadataan si aan u gadano dhul kale oo ballaaran waayoo magaaladda wey kusoo bateen Carruurtu…..””ayuu yiri.
Baaqa Jaaliyadda Puntland ee Jarmalka!!
Gabagabadii ayuu Jaaliyadda Puntland ee dalka Jarmalka u diray baaq ku aadan iney garab Istaagaan Carruurtan si Mustaqbalka u noqdaan kuwa dalka horumar u horseeda .
Image may be NSFW.
Clik here to view.
….””Jaaliyadda Jarmalka oo ugu horreeyo Cabdiqaadir Malaay,waxaan Jeclaan lahayn Insha allaah in Ilmahan kuwii ku najixi lahaa oo meel buuxda Ilaahay uga gelin lahaa kuwii furan lahaa iney noqdaan oo ajar koodaas ku badbaadi lahaa….””” Ayuu yiri.
Guddoomiye Kuxigeenka Jaaliyadda Puntland ee dalka Jarmalka Cabdiqaadir Xaaji Cali”Malaay”oo deeqdan soo kaarsiiyey Carruurta ayaa sheegay inuu aad ugu faraxsanyahay u Imaatinkiisa Carruurta isla markaana uu u rajeynayo horumar iyo kheyr iney gaaraan Mustaqbalka.
Here is the Music Player. You need to installl flash player to show this cool thing!
….””Aad iyo aad baan ugu faraxsanahay in Ilaahay igu soo leexiyo halkan inaan imaado maanta,waxaan u rajeyneynaa ardeyda yaryar khayr iyo horumar…..””ayuu yiri Cabdiqaadir.
Image may be NSFW.
Clik here to view.
Mudane Cabdiqaadir Xaaji Cali”Malaay” ayaa ku tilmaamay horumar iyo wanaag Xanaaneynta Carruurta ku jirta Machadka Islaamiga ah ee Xanaanada Agoomaha,wuxuuna u sheegay in Jaaliyadda Puntland eek u sugan dalka Jarmalka ay idin joogaan dad wanaagsan waxna idin qabanaya.
….”” Marka arrinta meeshan ka socota waa wax ku dayasho mudan idinkaana la idin ku dayanayaan anaga Jaaliyad ahaan waxaa nala yiraahdaa Punt land Diaspora Forum in Germany,dad wanaagsan ayaa Xaga idin ka jira……””ayuu yiri.
Qeylo-dhaan!!
Guddoomiye Kuxigeenka Jaaliyadda Puntland ee dalka Jarmalka Cabdiqaadir Xaaji Cali”Malaay”ayaa ugu baaqay Jaaliyadaha kale ee Puntland iney Is garab taagaan Carruurta isla markaana lasoo gaaraan wixii awoodooda ah.
…..””” Walaalayaal in dhalintan usoo gurmataan oo waxa aad keeni kartaan dhar,lacag iyo raashin wax walba oo aad ugu deeqi kartaan Waxbarashada ,Iskuulaadka waadna mahadsantihiin kheyr EEBE ha idin siiyo ….””ayuu yiri.
Image may be NSFW.
Clik here to view.
Si kastaba daryeelka ay haystaan Carruurtan ayaa haddana waxaa jira kuwa kale oon haysan cid daryeesha,waxaana qaarkood ay ku waayeen Waalidiintood dagaaladii ka dhacayey dalka Soomaaliya mana jirin dawlad u Istaagtay iney wax u qabato.
_____________________
Cismaan Turaabi
RBC Radio
Xafiiska Boosaaso
turrabi30@gmail.com
