Ceelbarde{RBC Radio} Wararka naga soo gaaraya gobolka Bakool ayaa ku waramaya in xiligan uu deegaan ka tirsan gobolkaas ka socdo dagaal qaraar oo u dhexeeya ciidamada dowladda federaalka Soomaaliya iyo alshabaab.
sida aan wararka ku heleyno dagaalka oo ka socday deegaanka Garasweyne oo hoos yimaadda degmada Ceelbarde ee gobolka Bakool ayaa u dhexeeya ciidamada dowladda iyo dagaalamayaasha alshabaab,sarkaal ka tirsan ciidanka dowladda oo ku sugan aagga uu dagaalku ka socdo warbaahinta u sheegay in ciidamada dowladda ay qaadeen weerarka.
Sarkaalka ayaa tilmaamay in dagaalku uu geystay khasaaro iskugu jira dhimasho dhaawac ,waxaa yar wararka laga heli karo khasaaraha dhabta ah ee ka dhashay dagaalka maadaama uu dagaalku wali socdo.
Wararka aan ka heleyno deegaanka uu dagaalku ka socdo ee Garasweyne ayaa tilmaamaya in dagaalku uu yahay mid culus uuna socdo 2 Saacadood oo xiriir ah,waline ay rasaastu dhacayso,waxaana dagaalka qaaday ciidamada dowladda oo weerar ku qaaday fariisimo ay alshabaab ku lahaayeen deegaankaas.
Wixii kusoo kordha dagaalka ka socda gobolka Bakool kala Soco Warbaahinta Raxanreeb.com
RBC Radio
Xafiiska Muqdisho
Use Facebook to Comment on this Post
