Kismaayo[RBC Radio]Waxaa maantey shir ballaaran uu ka dhexmarey xarunta Jaamacadda ee magaaladda Kismaayo ergadii soo dhistey maamulka Jubbaland kuwaaso maantey ka arrinsadey sida ay ka yeelayan waqtiga ka dhamaadey madaxweynaha maamulka Jubbaland mudadIi ay u qabteen si uu u soo dhamestiro dhismaha labada gole ee maamulka yeelanayo.
Kulanka maantay ay wada qaaten ergada soo dhistey Jubbaland waxaa gobjoog ka ahaa masuuliyiin ka tirsan maamulka Jubbaland iyo xubno ka mid ah waxgaradka iyo siyaasiyinta Jubbaland.
Macalim Maxamed Ibraahim oo ah guddoomiyaha gudigii qabanqaabada shirkii Kismaayo ayaa dahfurki kulan hadal ka jeediyey isagoona sheegey in gudigu uu gacanta ku hayo codsi uu usoo dhiibay madaxweeynaha maamulka Jubbaland kaasoo ahaa in mudo 20 maalmood oo dheeri ah loogu daro si uu usoo dhiso golayaasha maamulka.
Macalim Maxamed ayaa sidoo kale soo hadal qadey in codsigaan uu madaxweyna ku sheegey inuu kusoo dhisayo islamarkana uu soo gaba gabeen doono golayaasha maamulka ee xiligaan ka dhiman.
…”"”Waxan gacanta idin ku haya codsi an idinkaga sido madaxweynaha Jubbaland Axmed Madoobe waxan uu codsadey in muddo 20-cisho ah loogu daro soo dhamestirka golayaasha maamulka ee dhimaan..”‘”ayuu u sheegey ergada Macalim Maxamed oo ah guddoomiyaha gudigii qabanqaabada shirkii.
Xiligii ergada la horgeeyey codsiga madaxweynaha ayaa waxaa ay bilaaben inay ka doodan sida ay ka yeelayan codsiga madaxweynaha ee mudo kor dhinta ah,waxana dhaman codka ay ergadu iska qadey ku ogalatey in mudo kordhin dhan 20-maalin ah lugu doro xiligii ka dhamadey madaxweynaha inuu kusoo dhamestiro golayaasha maamulka.
Guddoomiyaha guddiga farasamada ee dhismaha maamulka Jubbaland Cabdiqani Cabdi Jaamac oo hadal ka jeediyay munaasabad ayaa dhankiisa sheegey inuu soo dhawenayo go’aanka ay ergadu qadatey isla markana ay mudo kordhinta u sameesey madaxweynaha si uu usoo dhamestiro maamulka.
…”"”Ruunti waa go’aan na farxad galinaya maadama ad ogalateen in waqti kale logu daro madaxweynaha si uu usoo dhamestiro golayaasha maamulka ladoonayo inuu yeesho,wana soo dhawenayna…”"”ayuu yiri Cabdiqani Cabdi Jaamac oo ah guddoomiyaha guddiga farasamada ee dhismaha maamulka Jubbaland.
Cabdiqani Cabdi Jaamac guddoomiyaha guddiga farasamada ee dhismaha maamulka Jubbaland waxaa uu rajo ka muujiyey in madaxweynaha Jubbaland Axmed Madoobe uu soo dhamsti doono xubnaha maamulka ka dhiman isagoo dhowraya mudada loo qabtey.
Mudadaan 20-cisho ah ee loogu darey madaxweynaha Jubbaland waxaa ay ka dhigeysaa markii saddexad ee mudo kordhin loo sameeyo.
____________
Iimaan Maxamed Jaamac
RBC Radio
Deegaan1994@gmail.com
Xafiiska Gaalkacyo
Use Facebook to Comment on this Post
