Muqdisho {RBC Radio} Jaalliyadda Soomaaliyeed ee ku nool dalka Sweden ayaa maanta deeq gaadiid ah oo ay ugu talagasay in ay ku socdaan dadka naafada ah ee ku dhaqan magaalada Beledweyn ee xarunta gobolka Hiiraan halkaas gaarsiisay.
Xasan Ibraahin oo ahaa qofka ay soo wakiisheen jaaliyadda Soomaaliyeed ee soo dhiibtay gaadiidkaasi ayaa sheegay in ay jaaliyadu ugu talagashay naafada ku nool magaalada Beldweyn ee xarunta gobolka Hiiraan , isaga oo baaq u diray jaaliyadaha kale ee ku dhaqan dunida dacaladeeda iney ku daydaan jaaliyadda Sweden oo dib u soo xusuustay walaalohooda cuuryaamiinta ah ee ku dhibaateysan gobolka Hiiraan
Qaar ka tirsan naafadii deeqda la gudoonsiiyey oo la hadlay Warbaahinta ayaa muujiyey sida ay ugu faraxsanyihiin gaadiidka loogu deeqay, waxayna baaq u direen jaaliyadaha kale ee Soomaaliyeed iney iyagune ku daydaan Jaaliyadda degen dalka Sweden ayna dhankooda ka taakuleeyaan maadaama ay Lixaadka beeleen aysana awoodin iney shaqaystaan.
Deeqdan gaadiidka Curyaamiinta ah ee ka timi jaaliyada Soomaaliyeed ee ku dhaqan dalka Sweden ayaa kusoo beegantay xilli ay naafada ku dhaqan magaalada Beledweyne baahi weyn u qabeeen.
Maamulka gobolka Hiiraan ayaa mudooyinkii lasoo dhaafay wuxuu baaqyo is daba joog ah u dirayay Jaaliyadaha Soomaaliyeed ee kasoo jeeda gobolkaas iyo Hay’adaha gargaarka in ay wax u qabtaan dadka Soomaaliyeed ee ku dhibaataysan gobolkaasi Hiiraan.
RBC Radio
Xafiiska Muqdisho
Use Facebook to Comment on this Post
