Image may be NSFW.
Clik here to view.
Muqdisho(RBC Radio) Kulan looga arinsanayo amni darrada kusoo korodhay magaalada Muqdisho ee Caasimada Soomaaliya ayaa xiligan ka socda xarunta maamulka gobolka Banaadir ee Muqdisho
Gudoomiyaha maamulka G/Banaadir Maxamuud Axmed Nuur Tarsan oo soo abaabulay kulanka looga hadlayo sugida amniga magaalada Muqdisho ayaa kulanka goobjoog ka ah,waxaana ka qaybgalaya gudoomiyahaasha 17ka degmo ee uu ka kooban yahay gobolka Banaadir iyo Saraakiisha ciidamada nabad sugidda iyo booliska Soomaaliyeed.
Markii uu furmay kulanku ayaa waxaa lagu war geliyay saxaafadu inesan soo geli karin goobta uu kulanku kasocdo iyadoo haatan saxaafadu ay dibad joog katahay xarunta uu kulanku ka socdo.
Amniga magaalada Muqdisho oo mudooyinkii u dambeeyey habacsanaan laga dareemayey, iyadoona shacabka ku dhaqan magaalada Muqdisho marba marka ka danbayso ay kusii kordhayeen walaaca iyo cabsida ay ka qabaan qaraxyada iyo dilalka qorsheysan ee ka dhacaya caasimada dalka ee Muqdisho,Lama oga waxa uu ka bedeli doono kulanka ka soconayo xarunta maamulka Goblka Banaadir amni xumada kusii baahaysa Muqdisho.
RBC Radio
Xafiiska Wararka Muqdisho
