Afhayeenka Maamulka Jubbaland Cabdinaasir Seeraar
Kismaayo[RBC Radio]Maamulka Jubbaland ee saldhigisu yahay magaaladda Kismaayo ee xarunta gobolka Jubbada Hoose ayaa faah faahin ka bixiyey dagaalo ay lagaleen al-Shabaab.
Dagaalkaan ayaa xaley ka dhacay degmada Afmadow oo 120 km u jirta magaalada Kismaayo,waxana la xaqiijiyey inuu dhex marey ciidamo ka tirsan kuwa Jubbaland iyo al-shabaab.
Sida la caddeyey 10 qof ayaa ku dhimatay tiro kalena waa ay ku dhaawacantay kuwaaso la shagey inay isugu dhafnayeen labada dhinac ee uu dagalku dhexmarey.
Afhayeenka maamulka Jubbaland Cabdinaasir Seeraar oo warbaahinta maantey kula hadlayey guddaha magaaladda Kismaayo ayaa sheegey in dagaalkaasi uu ahaa mid ay guulo ka garen ayna kaga tag ronaaden xoogaggi al-Shabaab ee weerarka soo qadey sida uu sheegey.
…”"”Weerarkan ay soo qadey al-Shabaab,waxaa uu ahaa mid ay iska caabbin sameeyeen ciidamada maamulka Jubbaland oo gacan ka helaya ciidamada Kenya ee jooga degmada Afmadow,waxana ay guul ka garen dagaalkan…”"“ayuu yiri afhayeenku.
Seeraar waxaa uu sidoo kale hadalkiisa kusoo qadey in dagaalkan ay ku dileen nin ajnabi ah oo ka barbar al-Shabaab.
Dhinaca kale waxaa isna dagaalkan ka hadley taliska ciidanka amniga ee maamulka Jubbaland kuwaaso iyaguna sheegey inay ka feejigan yihiin dagaalada ay soo qadayan al-Shabaab.
Gen. Ismaaciil Saxardiid oo ka mid ah saraakisha Jubbaland oo isna warbaahinta la hadley ayaa sheegey in ciidanka Jubbaland ay dagaalka ku dileen ku dhowaad 20 ka tirsan al-Shabaab,sidoo kale waxaa uu hadalkiisa ku sheegey inay dagaalka ku qabsadeen hub ay wateen dagaalyahannada al-Shabaab ee weerarka soo qaaday.
…”"”Dagaalkan waxaa ay ciidamada Jubbaland ku dileen ilaa 20-katirsan ciidamada al-Shabaabka ee weerarka soo qadey,waxaa kalo gacanta ku heyna hub ay wateen dagaalyahannada al-Shabaab ee weerarka soo qaaday…”"”ayuu yiri Gen. Ismaaciil Saxardiid.
Gen.Saxardiid waxaa kalo uu sheegey ina ay gacanta ku hayaan ilaa 7-ruux oo al-Shabaab ah kuwaaso dagaalka ay ku qabteen.
Sidoo kale waxaa uu sheegey in dagaalkan uu saamen ku reebey dadka deegaanka waxana uu caddeyey in guryo ay deganaayen dad rayid ah inay gubeen madaaficdii la isweydarsanayen,waxana ku dhaawacantey sida uu sheegey labo ruux oo kale ooo ka mid ah dadka deegaanka.
Wax war ah oo ku aadan dagaaladan wali kama soo bixin kooxda dagaalka soo qadey ee al-Shabaab,mana jirto cid ka madaxbanaan labada dhinac ee dagaalamey oo warbaahinta lahadley.
______________
RBC Radio
Use Facebook to Comment on this Post
