Mid kamid ah Qurba Joogta gobolka Cusub ee Gardaful oo sheegtay iney dadka deegaanka wax u qabaneyso[Sawirro+Video]

Boosaaso[RBC Radio] Waxaa si weyn loogu soo dhaweeyey magaaladda Boosaaso ee xarunta gobolka Bari Marwo Aamino Maxamed Muuse””Japan”” oo kamid ah qurba joogta kasoo jeeda gobolka Gardaful.

Dadadweyne aad u tira badan oo watey gawaari badan ayaa kaga hortagay Marwo Aamina Japab iyo xubno ku weheliyey Safarkeeda,waxayna usoo galbiyeen gudaha magaaladda Boosaaso.

Marwo Aamina Japan oo ka timid wadanka Sweden ayaa soo martay deegaano badan oo kamid ah Puntland sida Sanaag,Gaalkacyo,Garoowe,Qardho iyo Boosaaso oo safarkeedu ugu danbeeyey.

Xildhibaan Fawsiya Maxamed Calluula oo ka tirsan Gollaha Shacabka Boosaaso

Xildhibaan Fawsiya Maxamed Calluula oo kamid ah Xildhibaanada Gollaha deegaanka Boosaaso oo Saxaafadda la hadashaya ayaa sheegtay in Marwo Aamina Japan kusoo dhaweyneyso Boosaaso.

….””” Waxaan halkan kusoo dhaweyneynaa Walaasheen Aamina Maxamed Muuse(Aamina Japan) oo nooga timid dalka dibadiisa,maadaama ay tahay gabar u dhalatay gobolka Gardaful,…””ayey tiri.

Fawsiya Maxamed Calluula ayaa tilmaantay in Marwo Aamina Japan u timid sidii ay u caawin lahayd bulshada ku dhaqan gobolka cusub ee Gardaful oo dhawaan kusoo biiray gobolada Puntland.

…””Hada waxay kusii jeedaa kuna socotaa dhinaca gobolka Gardaful,ayada oo ay u qorsheysantahay iney waxyaalo badan oo deeq ah uga keentay wadanka dibadiisa,….””ayey tiri Xildhibaan Fawsiya.

Marwo Aamina Maxamed Muuse(Amino Japan) oo iyana ka hadashay imaatinkeeda magaaladda Boosaaso ayaa sheegtay iney si aad ah ugu faraxsantahay isla markaana ay ka mahadcelineyso soo dhaweynta loo sameeyey.

Marwo Aamina Maxamed Muuse(Amino Japan)

Waxayna sheegtay in qorshaha ay u timid Puntland ay tahay iney wax u qabato Shacabkeeda isla markaana ay ka caawin doonto wixii ay awoodo iyadoona xustay in gobolka Gardaful u ambabixi doonto dhawaan.

…”” Aad baad u mahadsantihiin,aad baan ugu faraxsanahay in maanta meeshan aan soo gaaro iyo dadka meeshan igu sugaayey inaan arko marka Insha allaah kheyr bey noqoneysaa…””” ayey tiri.

Qaar kamid ah dadkii soo dhaweynta u sameeyey Marwo Aamina Maxamed Muuse””Japan”” ayaa ku tilmaamay Safarkeeda dhiirigelin u noqonaysa qurba joogta reer Puntland si iyaguna uga qeybqaataan horumarka deegaankooda.

Marwo Aamina Japan ayaa noqoneysa haweeneydii ugu horeysay oo shaaca ka qaaday iney Puntland u timid sidii ay wax ugu qaban lahayd Shacabkeeda .