Boosaaso [RBC Radio] Kooxo hubeysan ayaa xalay Saqdii dhexe dab qabadsiiyey laba gaari oo ah nooca kuwa Xamuulka qaada ah kuwaas oo ka ambabaxay magaaladda Boosaaso.
Labada gaari oo ah nooca loo yaqaano Caga-badanta ama Waaraadka ayaa mid kamid ah uu siday Shidaal uu kasoo qaaday Dekedda magaaladda Boosaaso,ay kusii jeedeen magaaladda Gaalkacyo ee xarunta gobolka Mudug.
Qof goob jooge ah ayaa Raxanreeb u sheegay in kooxda dableyda ah ay rasaas ooda uga qaadeen inta aysan gubin laba gaari,waxaana uu intaas ku daray inaan uusan kala cadeyn Karin in khasaare u ka dhashay.
Kooxda dableyda ah ayaa laba gaari ka dejiyey 6-qof oo isugu jiray dareewaladii iyo dad rakaab ahaa kuwaas oo aan la ogeyn meeshey ku danbeeyeen.
Isu socodka gaadiidka ee magaalooyinka Boosaaso iyo Gaalkacyo ayaa daqiiqado kooban uu hakad ku yimid gubashada labada gaari ee Xamuulka ah awgood
Goobta lagu weeraray labada gaari ayaa ahayd halka loo yaqaano Casaradaha Meermeerka oo 55-KM u jirta magaaladda Boosaaso ee xarunta gobolka Bari.
Macada ilaa hadda kooxda dableyda ah ee weerarka ku qaaday labada gaari,waxaana dhacdadan ay noqoneysaa mid si weyn looga dareemay deegaanada Puntland.
Dawladda Puntland ayaa la filayaa iney ka hadlaan dhacdadan saacadaha soo socda ,lama saadaalin karo tallaabada iyo go’aanka ay ka qaadan doonto.
Faah-faahinta kala soco Raxanreeb.com
_____________________
RBC Radio
Use Facebook to Comment on this Post
