Muqdisho(RBC Radio)Xildhibaano ka tirsan baarlamanka soomaaliya ayaa shir jaraa’id ku qabtay magaalada muqdisho ee caasimada sooomaliya iyagooo eedeyn kulul ujeediyay xukuumada soomaaliya
Maxamed Iidle Xerow oo katirsanaa xildibaanadii meesha ka hadlay ayaa ku dhaliilay Masuuliyiinta xukuumada soomaliya in ay ka gaabiyeen sugida amniga Magaalada Muqdisho,wuxuuna tilmaamay in taasi ay muujinayso awood darrida xukuumada federaalka soomaaliya sida uu sheegay xildhibaanku
isagoo hadalkiisa sii wato ayuu yiri x ildhibaan Maxamed Iidle Xerow ”markii ay xukuumadu raadsaneysay codka kalsoonida baarlamanka waxay balanqaaday iney ahmiyadeeda koowaad noqondoonto sugida amniga dalka,balse markii la siiyey kalsoonida ayey ku guul daraysatay xaqiijinta amniga”.
Xildhibaanka ayaa sidoo kale xukuumada ku dhaliilay in loo xiro qaar kamid ah wadooyinka muhiimka ah ee magaalada muqdisho hay’ado gaar ah iyo qaar ka mid ah madaxda dawlada federaalka soomaaliya taasina ay tahay masuuliyad darro.
hadalka xildhibaanka ayaa kusoo beegmaya iyadoo xalay magaalada muqdisho laga maqlayay dhawaqa banbooyin silsilado ah iyo rasaas culus oo daba socotay taasoo qalqal iyo walaac xoogan ku abuurtay shacabka ku dhaqan Gobolka Banaadir.
RBC Radio
Xafiiska Muqdisho
Use Facebook to Comment on this Post
