Eng Siciid Maxamed Raage
Boosaaso[RBC Radio] Wasiirka Dekedaha Iyo Gaadiidka Badda Iyo la dagaanka Kooxaha Burcadbadeeda ENG Siciid Maxamed Raage ayaa shaaca ka qaaday in bishan Agoosto 2013 dib loo bilaabi doono dhismaha Garoonka Diyaaradaha ee Boosaaso.
Eng Siciid Maxamed Raage oo khudbad ka Jeediyey dawlada hoose ee Boosaaso Xafladii Sanadguurada 15-aad ee Aasaaska Puntland ayaa kaga hadlay arrimo badan oo dhanka horumarka lagana qabtay Boosaaso iyo kuwa dhiman oo la qaban doono Mustaqbalka.
….””Waxaad ku bishaareysataan hadaan Ummada reer Boosaaso tihiin in la bilaabo doono dhismaha Garoonka Diyaaradaha ee Boosaaso bishatan hadii Ilaahay idmo,..””ayuu yiri Eng Siciid Maxamed Raage.
Wuxuu sheegay Wasiirku in marar badan Shacabka ku dhaqan magaaladda Boosaaso loogu Sheekeeyey wax badan baa soo socda balse uu ka marag furayo in Waraaqihii lagu hawlgelihaa ee Garoonka Diyaaradaha ee Boosaaso.
….”””Koleyba aniga waa nasoo gaareen,wax badan baa la idku yiri wax baa soo socda Decuments-kii oo dhan anaga waa nasoo gaareen Airporka Boosaaso…””ayuu yiri.
Dhismaha Dekeda Bosaso
Wasiirka Dekedaha Iyo Gaadiidka Badda Dawladda Puntland Eng Siciid Maxamed Raage ayaa sheegay in Shacabka ku dhaqan magaaladda Boosaaso ay Waxqabad u tahay horumar kasta oo lagu soo kordhiyey Dekeda weyn ee Boosaaso.
….””Waxaa kaloo aad iyo aad iyana Waxqabad u ah oo reer Boosaaso leeyihiin wixii dhisme ku kordhay ama qodid kordhay ama horumar ku kordhay Dekeda Boosaaso oo iyada lafteedu wax yar ahayn oo aad Ogtihiin inta laga qabtay…””ayuu yiri Eng Raage.
Digniin
Mudane Eng Siciid Maxamed Raage ayaa sheegay in dhawaan dib loo furi doono Wadooyinka gala iyo kuwa kasoo baxa Dekeda Boosaaso isla markaana uu ka codsanayo in tallaabadas ay Shacabku gacan ka siiyaan.
….””” Waxaan idin ka codsaneynaa oo hada aan u ballansanahay anaga iyo Guddoomiyaha iyo qolada amnigu sidii loo furi lahaa ama wax looga qaban lahaa agagaarga Dekeda Boosaaso,waad ogtihiin sidey tahay….””ayuu yiri.
Si kastaba qorshaha lagu doonayo in lagu dhiso Garoonka Diyaaradaha Boosaaso oo baahida ugu weyn ay tahay dhabaha ay Diyaaraduhu ku Ordaan ayey Xukuumada Puntland ballanqaaday marar badan,waxayna dhawaan dawladuba sheegtay in lo ohayo dhaqaalihii lagu hawgeli lahaa.
DHAGEYSO Codka ENG Siciid Maxamed Raage
__________________________
Cismaan Turaabi
RBC Radio
Xafiiska Boosaaso
Use Facebook to Comment on this Post
