Shil Gaari
Boosaaso[RBC Radio] Waxaa ka dhacay deegaanka Dalweyn oo ka tirsan gobolka Bari Shir Gaari oo sababay khasaare Isugu jira dhimasho iyo dhaawac.
Wararka ayaa sheegaya in Shilka gaari uu dhacay ka dib markii ay Isku dhaceen laba gaari oo midi ahaa rakaab kan kalena uu siday Xamuul.
Gaariga shilka galay ee rakaab ah ayaa kasoo ambabaxay magaaladda Garoowe ee caasimada Puntland,waxayna saarnaa dad kor u dhaafaya 8-qof kuwaas oo usoo socday magaaladda Boosaaso ee xarunta gobolka Bari.
Shilka ayaa waxa ku geeriyooday dad gaaraya 4-qof iyadoona dhaawac uu soo gaaray 3-qof balse dadka deegaanka ayaa Raxanreeb u sheegay in dhaawacu intaas ka badanyahay.
Dadka ku dhintay shilka gaari ee ka dhacay deegaanka Dalweyn ayaa lasoo sheegayaa in gebi ahaanba lagu aasay magaaladda Carmo ee gobolka Bari.
Macada ilaa hadda qaabka uu u dhacay Shilka gaari,waxaana la sheegayaa in gaariga shilka galay uu ahaa nooca loo yaqaano Surfaha.
Shilalka kusoo badanaya wadada laamiga ah ee isku xirta Magaalooyinka Gaalkacyo iyo Boosaaso ayaa inta badan waxaa ka dhaca shilal khasaare nafeed sababa,waxaana dhaliilasha loo saaraa Hay’adda Wadooyinka Puntland iyo dareewalada Gaadiidka oon khibrad fiican u lahayn wadida Gawaarida.
_________________
RBC Radio
Use Facebook to Comment on this Post
