Sh/Dhexe(RBC Radio) Wararka Saaka naga soo gaaray deegaanka ceelmacaan ee hoos taga degmada Warshiikh ee gobolka Shabeelaha dhexe ayaa ku waramaya in dad Muruq-maalato ah ay kusoo duntay Kaawo ay qodayeen ,Kaawada duntay ayaa lasoo sheegayaa iney ku geeriyoodeen 4 ruux oo ku hoos jiray.
Qaar kamid ah dadka ku sugan deegaanka ceelmacaan ayaa xaqiijiyey in 4 ruux oo kamid ahaa dadkii ku hawlanaa qodida Kaawada oo ay qatar badan kala kulmaan ay halkaa ku geeriyoodeen kadib markii uu kusoo dumay godkii ay ku hoos jireen.
Dadka Kaawada qoda ayaa dhibaatooyin sidan oo kale ah la kulmay,waxaana marar badan dhacday in Kaawadu ay kusoo dunto kadibne ay noloshooda ku waayaan,Dadka xoogsatada ah ee soo saara Jayga iyo dhagxaanta guryaha lagu dhiso ayaa sheegaya ineysan nolol maalmeed ku flan ka helin xirfadaasi oo qatarteeda leh.
Dhacdo middan lamid ah ayey ahayd markii ay dhawaan naftooda ku waayeen Xoogsato ku hawlanaa qodida Kaawada duleedka bari ee magaalada Muqdisho.
RBC Radio
Muqdisho
Use Facebook to Comment on this Post
