Addis ababa(RBC Radio) Wasiirka Gaashaandhigga xukuumadda federaalka Soomaaliya C/xakiin Maxamuud Xaaji Fiqi oo shalay gaaray magaalada Addis ababa ee xarunta dalka Ethiopia ayaa halkaa kulamo kula leh madaxda ugu saraysa dalkaas iyo Saraakiisha ciidamada wadanka Ethiopia.
Wasiirka Gaashaandhigga Soomaaliya ayaa sheegay inuu kulamo la qaatay dhigiisa wadanka Ethiopia iyo taliyaha ugu sareeya ciidamada Milateriga dalka wadankaas oo uu sheegay iney ka wada hadleen sidii ay labada dal iskaga Kaashan lahaayeen xoojinta nabadgalyada.
C/xakiin Maxamuud Xaaji Fiqi ayaa tilmaamay iney isla soo qaaden wasiirka Gaashaandhigga dalka Ethiopia iyo saraakiisha ciidamada dalkaas sidii loo samayn lahaa waxa uu ku tilmaamay hannaan cusub oo wadamada Soomaaliya iyo Ethiopia ay iskaga kaashanayaa la dagaalanka waxa loogu yeero argagixisada.
Wasiirka ayaa intaa ku daray inuu la kulmi doono R/wasaaraha Dalkaas HailaMariam oo uu sheegay inuu gaarsiin doono fariin uu uga sido madaxweynaha Jamhuuriyadda federaalka Soomaaliya Xasan SH Maxamuud.
RBC Radio
Use Facebook to Comment on this Post
