Nairobi(RBC Radio) Hay’ada qaramada midoobe u qaabilsan qaxootiga aduunka ee UNHCR ayaa lagu sheegay in 12-kun oo qaxooti Soomaaliyeed ah ay ka hayaameen xaryaha qaxootiga Dhadhaab ee waqooyiga bari wadanka Kenya war saxaafadeed laga soo saaray xafiiska hay’ada UNHCR ee magaalada Nairobi ayaa lagu sheeegay in bilihii u danbeeeyey ay qaxooti badan ka tageen xeryaha dhahdhaab.
Warka kasoo baxay hay’ada qaxootiga caalamka ee UNHCR ayaa lagu sheegay in 2-dii bilood ee ugu danbeeyey ay xerada qaxootiga Dhadhaab oo ah tan ugu weyn aduunka ee ay qaxooti kujiraan ay ka tageen xeradaas iaygoona dib ugu laabtay gobolada dalka Soomaaliya.
Hay’ada ayaa u aaneysa in dadka intaa gaaraya aya ka tagaan xeryaha qaxootiga iney sabab u tahay amniga xeryaha kuyaala Dhadhaab oo kasii darayey bilihii danbe kadib markii ay halkaas kusoo bateen qaraxyada iyo falalka kale ee la xiriira amni darrada.
UNHCR ayaa walaac ka muujisay in dadka kusoo laabtay Soomaaliya ee kasoo safray xeryaha qaxootiga gobolka waqooyi bari Kenya ay ku laabteen deegaano ka tirsan Koonfurta Soomaaliya oo aysan wali gaarin hawlaha hay’ada gargaarka qaramada midoobe UNHCR ayaa ka dayrisay nolosha qaxootiga kasoo laabanaya xeryaha qaxootiga ee kusoo noqonaya gudaha dalka Soomaaliya.
RBC Radio
Xafiiska Wararka Muqdisho
Use Facebook to Comment on this Post
