Muqdisho(RBC Radio) Tartanka Kubadda Gacanta wiilasha dalkeenna Soomaaliya ayaa galabta si rasmi ah uga furmay Garoonka Luujino ee degmada C/casiis ee magaalada Muqdisho ee caasimadda dalka SoomaaliyaTartanka oo ay ka qaybgalayaan 3 Kooxood oo kala ah Air Uganda,Natiolink iyo Liido Fast Food ayaa waxaa galabta garoonkaa ka dhacay kulan furitaan ah oo dhex maray Kooxaha kubadda Gacanta ee Air Uganda iyo Natiolink.
Ciyaarta oo ay usoo daawasho tageen Boqolaal ruux ayaa waxaa ay ahayd mid xiiso badneed,Ciyaaryahannada labada Kooxood ayaa soo bandhigay Ciyaar ay wada jecelaysteen dadkii usoo daawasho tagay,waqtigii loogu tala galay ayaa waxa ay ciyaarta guushu ku raacday Kooxdii ku ciyaareysay magaca Air Uganda.
Natiijada Ciyaarta ayaa kusoo gabagabowday 19 dhibcood oo ay heshay Kooxda Air Uganda halka kooxda Natiolink iyane keensatay 6 dhibcood,Tartankan ayaa waxaa laga xulan doonaan Wiilasha Kubadda Gacanta xulka qaranka Soomaaliya u matali doona Ciyaaraha Caalamiga.
3da Kooxood ee tartanka ka qeybgalaysa ayaa is wada arki doona ayadoo kooxdii ugu dhibco badnaatana ay koobka ku guuleysan doonta
RBC Radio
Xafiiska Wararka Muqdisho
Use Facebook to Comment on this Post
