Kismaayo (RBC Radio) Wafdi balaaran oo uu hogaaminayo Madaxweynaha Maamul Goboleedka ee Jubbaland Axmed Maxamed Islaan (Axmed Madoobe) ayaa galabta gaaray magaalada Nairobi ee dalka Kenya.
Magaalada Nairobi waxaa horey ugu sugnaa Madaxweynaha Puntland Cabdiraxmaan Faroole, Aasaasayaashii Jubbaland, Ururka Ganacsatada Jubbaland, Siyaasiyiin ay kamid yihiin Cali Khaliif Galeydh iyo Cabdirashiid Xidig.
Waxaa kaloo soo gaari doono Madaxweynaha Fedraalka Soomaaliya Mudane Xassan SH Maxamuud.
Sidoo kale waxaa maalinimada Bari ah oo taariikhdu ku began tahay 5ta bisha Junyo halkaas gaari doono ururada bulshada rayid ah ee gobolada Jubbaland.
Warar lagu kalsoon yahay waxa ay sheegayaan in wadahadal uu codsaday madaxweynaha Soomaaliya uu uga furmi doono magaalada Nairobi madaxda Fedraalka iyo Jubbaland oo mudooyinkaan danbe meel fog kala taagnaa.
Kulankan ayaan ilaa hada lagu balansan yahay in uu qabsoomo ,balse waxaa dhici karta in laka boodo oo uu qabsoomi waayo maadaama uu jiro kala shaki iyo is aaminaad aad u baaxad weyn.
Dowlada Fedraalka.
Madaxweynaha Soomaaliya Xasan Sheekh Maxamuud
Dowlada Fedraalka marar badan sheegtay in aysan aqoonsaneyn iyada oo ay marar badan ku tilmaantay in dhisida maamulka Jubbaland ay balaayo bilowgeeda tahay.
Siyaasiyiinta taageera Siyaasada Madaxweyne Xassan SH ee ku aadan gobolada Jubbaland ayaa ku dooday in hadiiba jubbaland la dhisayo in 4.5 wax lagu qeybsado.
“Waxa Kismaayo ka dhacay waa wax aysan dowladdu waxba kala socon oo aan dastuurka waafaqsaneen, ismagacowga madaxweynayaasha faraha badan waa mid ka mid ah waxyaabihii aan ka dhaxalnay 22-kii sano ee burburka waxayna sahli kartaa in alshabaab ay magaalada dib ula wareegaan” ayuu yiri madaxweyne Xasan Sheekh Maxamuud oo ka hadlayey kulan madaxeedkii wadamada urur goboleedka IGAD.
Wararku waxa ay sheegayaan in dowlada si hoose ay ka soo Dabacday waxa ayna ka tanaasushay doodii 4.5 ta aheyd, iyo qabiil baa qabsadey.
Gorgortanka madaxweyne Xassan uu soo gudbiyey ayaa waxa ay tahay in dowlada ay aqoonsan doonto Jubbaland balse laga talo galiyo xulista mudanayaasha baarlamaanka Jubbaland iyo qeyb weyn ay ku yeelato maamulka dekada, gegida dayuuradaha ee Kismaayo, kaabayaasha dhaqaale iyo qadista canshuuraadka IWM.
Khilaafka Kenya iyo Soomaaliya
Madaxweyne Xasan Sheekh oo dalka Jabaan kula kulmay madaxweyne ku xigeenka dalka Kenya William Rutonayaa u sheegay Ruto in la buun-buuniyay warar aan jirin oo mugdi ka dhex-abuuray dowladaha Soomaaliya iyo Kenya,wuxuuna tilmaamay iney been abuur yihiin wararka sheegaya in dowladda Soomaaliya ay Kismaayo u dirtay Ciidan hubeysan
Madaxa ciidamaada xooga dalka Kenya Gen Julius Karangi
Dowlada Soomaaliya iyo Dowlada Kenya ayaa dhawaan mugdi soo kala dhex galay kadib markii ciidamada AMISOM ee Kenya lagu eedeeyey in aysan daacad ka aheyn kamid ahaanshaha AMISOM waxaa taasna ka jawaabay Gen Julius Karangi oo ah madaxa ciidamaada xooga dalka Kenya ayaa si kulul u yiri.
“Kenya wax lug ah kumaleh arrimaha siyaasaded ee ka jirta gobolada Jubbooyinka iyo Gedo mana jirto anago markale ku celinayna ciid Kenyati ah oo ka qeyb qaadatey siyaasada shirarkii Kismaayo ka socdey”waxaa intaas hadalkiisa ku soo qadey Gen Julius Karangi oo ah madaxa ciidamaada xooga dalka Kenya.
Jubbaland
Madaxweynaha Jubbaland Axmed Madoobe oo agtaagan gaari xabada Karin oo kamid ilaaladiisa
Wararka sida ay sheegayaan ayaa madaxda Jubbaland waxa ugu weyn ay wataan ay tahay in Dowlada fedraalka ay aqoonsato Jubbaland iyo in deeqaha caalamku siiyo Soomaaliya ay qeybtoda ay ka helaan Dowlada Fedraalka.
Isqabqabsiga Dowlada Fedraalka iyo Maamulka Jubbaland ayaa cirka isku shareeray kadib markii magaaladaas gaareen dad badan oo kala duwan, qaarna dayuuradii ay saarnaayeen dib loogu celiyey.
Madaxweyne ku xigeenka maamulka Jubaland C/llaahi Sheekh Ismaaciil Fartaag oo ka hadlayey waftiga wasiirada ah ee ka socda xukuumadda Soomaaliya ee maalmihii danbe ku sugnaa garoonka diyaaradaha magaalada Kismaayo iyo gudaha magaalada ayaa si bareer ah u sheegay iney iyagu u diideen wasiirada dowladda Soomaaliya iney gudaha u galaan magaalada Kismaayo ee xarun goboleedka Jubada hoose.
“Kismaayo maaha meel la iska galo,waxaa ka jira maamul” ayuu yiri C/llaahi Sheekh Ismaaciil Fartaag oo si kulul u dhaleeceeyey aragtida dowladda ee Jubooyinka,wuxuuna shaaca ka qaaday in waftigani ay ka dhoofi karaan garoonka isla markaane ay ku laaban karaan gudaha magaalada Muqdisho oo ay markii hore kasoo kicitimeen balse aysan marne ogolaan doonin iney gudaha u galaan magaalada Kismaayo.
Puntland
Madaxweynaha Puntland Cabdiraxmaan Faroole
Maamul Goboleedka Puntland ayaa si weyn u taageertay Jubbaland iyada oo Madaxweynaha Puntland uu dhawaan sheegay in la carqaladeeyo Maamulkaas ay tahay wax aan la qaadan kari.
Waxaana erayadii madaxweynaha Puntland kamid ahaa
“Shirka Jubbaland waxaa loo fadhiyey sideed bilood ilaa 4 sano iyo barna waa ay soo socotay in maanta faragalin lagu sameeyana wax la qaadan kara maahan waad aragteen Tiifiiyada, Idacadaha shirarka ka socda aduunyada daafaheeda oo dhan….. ma cayaarbaa cayaar maahan waa daereenka dadka weeye”
Lama saadaalin karo in kulanka labada madaxweyne, balse Shacabka Soomaaliyeed ayaa rajo weyn ka qabo in Siyaasiyiinta ay isku tanaasulaan oo danta guud laga wada shaqeeyo
Use Facebook to Comment on this Post
