Garoowe (RBC RADIO) Wasiirka Haweenka Puntland Marwo Xaliimo Xaaji Xasan ayaa sheegtay in Wasaarada Haweenka Puntland ay is bedeshay wax badannah ay kusoo kordheen intii ay xilkan heesay kadib markii ay hirgaleen Himilooyin badan oo ay Wasaaradu higsaneesay Mudooyinkii ugu dambeeyey iyadoo talaabooyinkaas horay loo qaaday laga dareemay Guud ahaan Gobolada Puntland sida wa siiradu ay Sheegtay.
“ Hada ayeey wasaaradu Martay Tubtii Toosneyd waxaan sidaas u leeyahayna waxa weeye Aniga waxaan u imid Meel sida NGOgi u shaqeysa oo Lacagta hawsha lagu qabanayo Dad kale loogu soo dhiibo laakiin Dadaal kadib taa meesha waan ka saarnay Cidii Wasaarada Kala Qayb qaadaneysa dhanka Hormarka waxay Toos Lacagta ugu soo shubeysaa Acounka Wasaarada kadibna Xisaab Celin ayaa loo sameynayaa waana qayb ka mid ah Dadaalada aan sameenay, waxaan Daboolnay intaan joognay dal-daloolo badan oo jiray waxaan sameenay isu aruurin badan iyo inaan ka gudubno caqabadihi jiray ugu dambeyntiina alle waa nagu guuleeyey ayeey tiri Wasiirka haweenka Puntland Marwo Xaliimo Xaaji Xasan.
Marwo Xaliimo waxay Raxan-Reeb u sheegtay in Dumarka ay waajib ku tahay in ay ku ekaadaan intuu alle ugu talagalay oo asyan xadkooda gudbin balse waxay taa hadalkeeda sii daba dhigtay wasiiradu in tacadi haween loo geystaa aysan u dulqaadan doonin iyo sidoo kale in Xaqa ay leeyihiin la duudsiiyaa iyadoo boorisay Dumarka guryohooda iyo Caruurtooda u shaqeeya kadib markii ay Ragii Qaarkood Waajibaadkooda Gabeen sida ay Wasiiradu sheegtay.
“Culumo ayaan leenahay waa in aan qaadanaa waxa ay na faraan Wax walba alle Suuratul (Nisaa)ayuu Dumarka ugu faray Diinteena Xorad iyo Xuquuq badan ayeey na siisay iyada aan baranno hadaan haween nahay markaas ayaan ogaaneynaa wax badan oo naga maqan, Dan nooguma jirto inaan meel walba horboodno iyadoo ay xaqiiq tahay inaan hormuud u nahay dalka oo aan anaga Dalka iyo Dibadaba ka shaqeyno Ragana uga Nugulnahay ka warqabka Qoyska iyo wadankaba sidaana waxaa tiri Wasiir Xaliimo.
Wasiirka Haweenka Puntland Marwo Xaliimo Xaaji Xasan oo hadalkeeda siiwadata ayaa tiri:
“ Intaan Hawshan bilawnay waxaan ku guuleysanay in Wasaarada Mashaariicaha loogu talagalay si toos ah oo aan cidina naloo soo marin gacanta naloogu gelsho,Taageerida tababarida Turxaan bixinta iyo Tayeynta haweenka Reer Puntland si ay uga qayb qaataan Doorashooyinka Golaha Deegaanka, Waaninta Hablaha Gada Qaadka iyo Raadinta wixii Camalka ay hayaan loogu bedeli lahaa, Qancinta iyo Xafiis u sameynta 13 degmo oo Puntland ka mid ah siiba kuwa degen meelaha fog-fog,la dagaalanka Gudniinka Fircooniga ah iyo Hablaha oo si qaldan loo gudo, Taageerida iyo ka farxinta Caruurta Agoonta ah ee aan cidina u maqneyn, Sameynta Kulamo looga hadlayo Xaqa ay isku leeyihiin Lamaanaha iyo ka hortaga in uu Furiinku bato, iyo hadafka ugu Dambeeya oo aan hada higsaneyno oo ah Magac ka badalka Wasaarada Sidaana waxaa tiri Xaliimo Xaaji Xasan Wasiirka Wasaarada haweenka iyo Hormarinta Arimaha Qoyska Puntland.
Inkastoo Waxqabadka Wasaarada Haweenka Puntland ay Marwalba ahayd mid Sare hadana Waxaa hada muuqanaya dar dar horleh iyo wada sahqeyn u dhaxeysa Maamulka Sarre ee Wasaarada iyo Shaqaalaha hoose kaasi oo sii xoojiyay xawliga shaqo ee Xarunta ka dhex jirta sida ay sheegeen dadka qaarkii ee u dhuunduleela habka ay u shaqeeyaan Wasaaradaha ku Yaal Magaalada Garoowe,Waxaana Berito la filayaa Xaflad ka dhicidoonta Magaalada Garoowe in magaca looga bedeli doono Wasaarada loona bixin doono Magac Cusub oo Hab sharci ah lagu soo saaray.
Ibraahim Wadani.
RBC RADIO
Xafiiska Wararka Garoowe.
Use Facebook to Comment on this Post
