Yokahama(RBC) Madaxweynaha Soomaaliya Xasan Sheekh Maxamuud iyo wafdigii uu hogaaminayey oo shalay galinkii danbe ka ambabaxay magaalada Muqdisho ee caasimadda Soomaaliya ayaa gaaray dalka Japan oo uu kaga qeyb-galayo shir gaar ah oo looga hadlayo arrimaha Soomaaliya kaas oo Jimcaha Berri ah ka dhacaya magaalada Yokahama ee wadankaasi Japan.
Shirka ayaa waxaa si wadajir ah u shir guddoomin doona madaxweynaha dowladda federaalka Soomaaliya Xasan Sheekh Maxamuud iyo raysul wasaaraha Japan Shinz? Abe oo dalkiisu martigalinayo shirkaasi.
Dowladda dalka Japan ayaa soo nooleysay xiriirka kala dhexeeya dalka Soomaaliya, Toshihisa Takata oo ah safiirka dalkaas u fadhiya Soomaaliya ayaa madaxweyne Xasan Sheekh u gudbiyey waraaqihiisa aqoonsiga danjiranimo.
Shirka oo looga hadlayo arrimo ay ka mid yihiin kobcinta dhaqaalaha, fursadaha waxbarasho ee dhallinyarada, horumarinta adeegyada bulshada iyo xasilloonida dalka ayaa dhacaya maalin un ka hor furitaanka rasmiga ah ee shirka Tokyo ee caalamiga ah ee horumarinta Afrika (TICAD).
Use Facebook to Comment on this Post
