Muqdisho(RBC Radio) Kooxo hubeysan oo aan haybtooda la aqoon ayaa goordhow magaalada Muqdisho ku toogtay gudoomiyihii waaxda Horseed xaafada Suuq-bacaad ee degmada Yaaqshid ee magaalada Muqdisho,kooxo bistoolado ku hubeysan ayaa la sheegay iney rasaas la beegsadeen gudoomiyihii waaxda horseed ee degmada Yaaqshid oo lagu magacaabi jiray C/llaahi Xuseen Barre.
Kooxihii dilka geystay ayaa goobta ka baxsaday kadib markii ay dilka fuliyeen waxaanba markiiba goobta soo gaaray ciidamo fara badan oo ka tirsan kuwa dowladda Soomaaliya,kuwaas oo isku gadaamay nawaaxiga uu dilku ka dhacay waxayna durbadiiba goobta ka bilaabeen baaritaano xooggan oo ay ku baadi doonayaan kooxihii dilka geystay.
Ciidamada ayaa baaritaanada ay ka wadaan degmada Yaaqshid waxa ay kusoo qabqanteen dhalinyaro badan oo ay ku tuhunsan yihiin iney ka danbeeyeen dilka Alle ha u naxariistee C/llaahi Xuseen Barre gudoomiyihii waaxda Horseed ee degmada Yaaqshid sida uu warbaahinta u xaqiihiyey gudoomiyaha degmadaas.
Muxudiin Jurus gudoomiye degmada Yaaqshid ee gobolka Banaadir ayaa sheegay in kooxdii dilka geysatay ay goobta ka baxsadeen isla markaane ay xiligan halkaa ka wadaan baaritaano ay ku doonayaan iney kusoo qabtaan dhagar qabayaasha dilkaasi geystay.
Gudoomiye Jurus ayaa tacsi u diray ehelada Marxuumka geeriyooday,wuxuuna Alla uga baryey inuu naxariistiisa ka waraabiyo,magaalada Muqdisho ee caasimadda Soomaaliya ayaa xiliyada qaar waxaa ka dhaca dilal qorsheysan,waxaana magaalada ka socda baaritaano ay degmooyinka Muqdisho ka wadaan ciidanka dowladda Soomaaliya kaasoo ay sheegeen iney magaalada kaga sifaynayaa waxa ay ugu yeereen haraadiga alshabaab.
RBC Radio
Xafiiska Wararka Muqdisho
Use Facebook to Comment on this Post
