Xudur(RBC Radio) Saraakiisha ciidamada qalabka sida ee gobolka Bakool ayaa sheegay iney alshabaab ku jabiyeen dagaal ay ku soo qaadeen deegaan duleedka ka ah degmada Xudur ee xarunta gobolka Bakool Cali Salaad oo ka mid ah saraakiisha hor kacaya ciidamada dowlada Soomaaliya ee ku sugan gobolkaas ayaa sheegay iney guul ka gaareen dagaal ay la galeen alshabaab.
Taliyaha ayaa sheegay in ciidamo ka tirsan alshabaab ay duulaan kusoo qaadeen fariisin ay ciidamada dowlada Soomaaliya ku lahaayeen tuulada Lafaale oo duleedka ka ah magaalada Xudur ee xarunta gobolka wuxuuna sheegay in dagaalka ay ku dileen 4 ka tirsanaa dagaalamayaasha alshabaab ee weerarka soo qaaday.
Taliyaha ayaa sheegay in ciidamada dowlada Soomaaliya ay u suurta gashay iney ka hortagaan weerarka alshabaab ay kusoo qaadeen wuxuuna sheegay iney dib ugu celiyeen deegaanadii ay weerarka kasoo qaadeen,dagaalku ayuu sheegay inuu socday muddo saacad ah.
Use Facebook to Comment on this Post
