Muqdisho(RBC Radio) Dowladda Federaalka Soomaaliya ayaa maanta hirgalisay wakaaladaha hawlaha maraakiibta iyo gaadiidka badda iyo wakaaladda dekedaha Soomaaliyeed,munaasabada xariga looga jarayey dib u hawlgalinta wakaaladahan ayaa waxaa ka qaybgalay masuuliyiin fara badan oo ka tirsan dowladda Soomaaliya oo ay ka mid ahaayeen wasiirrada xukuumadda Federaalka Soomaaliya.
Muxudiin Maxamed Kaalmooy wasiirka wasaaradda hawlaha guud iyo dib u dhiska dalka Soomaaliya oo madasha ka hadlay ayaa sheegau in wakaaladahga ay maanta hawlgaliyeen ay ka mid yihiin hay’ado badan oo qaranku lahaa oo ku burburay dagaaladii sokeeye ee dalka ka dhacay wuxuuna tilmaamay iney dadaal badan u galeen sidii ay dib ugu hawlgalin lahaayeen 22 sano kadib.
Wasiirka hawlaha guud iyo dib u dhiska xukuumadda Soomaaliya Muxudiin Maxamed Kaalmooy ayaa sheegay in wakaaladaha ay maanta dib u hawlgaliyeen ay door weyn ka qaadan jireen kobaca dhaqaalaha dalka,wuxuuna xusay in dikereeto kasoo baxday R/wasaaraha dalka Cabdi Faarax Shiirdoon Saacid lagu shaaciyey dib u hawlgalinta labadan hay’adood ee dowliga ah.
Inj. Qaasim oo ah agaasimaha wakaaladaha hawlaha Maraakiibta iyo Dekedaha ayaa ka warbixiyey waxqabadka wakaaladahani wuxuuna tilmaamay in wakaaladda maraakiibtu masuul ka ahayd maraakiibta qaranka iyo maraakiibta adeegsada biyaha Soomaaliya,wuxuuna kaloo sheegay in wakaaladdaasi ay masuul ka ahayd amniga Maraakiibta isticmaala biyaha dalkeenna Soomaaliya.
Dowladda Soomaaliya ayaa dadaal ugu jirta sidii ay u hawl galin lahayd hay’adihii dowliga ahaa ee ku burburay dagaaladii dalka ka dhacay,waxayna hore dowladdu ugu guuleysatay iney dib u hawlgaliso hay’ado dhowr ah.
RBC Radio
Use Facebook to Comment on this Post
