Kismaayo(RBC Radio) Wasiirka gaashaandhigga xukuumadda Soomaaliya C/xakiin Maxamuud Xaaji Fiqi iyo wafti uu hogaaminayo ayaa goordhow gaaray garoonka diyaaradaha magaalada Kismaayo ee xarunta gobolka Jubada hoose,waftiga wasiirka gaashaandhigga ayaa waxaa garoonka kusoo dhaweeyey waftigii dowladda ee hore halkaa ugu sugnaa oo ay ka mid ahaayeen taliyaha iyo abaanduuliyaha ciidanka xooga dalka Soomaaliyeed.
Wasiirka ayaa wadahadal kula leh gudaha garoonka diyaaradaha magaalada magaalada Kismaayo masuuliyiinta dowladda ee hore ugu sii sugnaa Kismaayo kuwaas oo dowladdu ay u xilsaartay iney qaboojiyaan xiisadaha ka aloosan magaalada Kismaayo oo ay ka taagan yahay muran ka dhashay dhisida maamulka Jubaland ee uu madaxweynaha ka yahay Axmed Maxamed Islaam Axmed Madoobe.
Waftiga ayaa lagu wadaa sida aan wararka ku heleyno iney goordhow gudaha u galaan magaalada Kismaayo isla markaane uu degi doono Hoteel ku yaalla gudaha magaalada Kismaayo,waxaana la filayaa inuu wadahadalo la yeesho qeybaha kala duwan ee bulshada iyo masuuliyiinta kala aragtida duwan ee ku sugan magaalada Kismaayo.
RBC Radio
Use Facebook to Comment on this Post
