Madaxweyne Kuxigeenka Puntland Oo Sheegay In aysan Jirin Ciidamo Mushaar La’aan ka Gadooday,Soona Dhaweeyey Madaxweynaha Jubaland [Dhageyso]

Madaxweyne Kuxigeenka Dawladda Puntland Gen Cabdisamad Cali Shire

Boosaaso[RBC Radio] Madaxweyne Kuxigeenka Dawladda Puntland Gen Cabdisamad Cali Shire ayaa sheegay maanta in si weyn uu usoo dhaweynayo Madaxweynaha loo doortay Jubaland ee Axmed Maxamed Isaalna(Axmed Madoobe).

Madaxweyne Kuxigeenka Puntland Gen Cabdisamad oo Saxaafada gudaha kula hadlay Guriga Madaxtooyada ee Boosaaso ayaa sheegay in Puntland shacab iyo dawladba ku faraxsanyihiin Maamulka cusub ee Jubaland,isla markaana si weyn u taageerayaan.

…”"”Waxa weeye Puntland markeedii horena wey taageereysay hadana waa taageersantahay gadaalna waa ka taageeri doontaa,Waxay Ogashahay dadka deegaanka kunool iney ka tashadaan aayahooda iyo Masiirkooda,…”"ayuu yiri Madaxweyne Kuxigeenka Puntland Gen Cabdisamad Cali Shire.

Halkan ka dhageyso Codka Madaxweyne Kuxigeenka Puntland gen Cabdisamad Cali Shire uu ku Taageeray Jubaland Guji halkan

Madaxweynaha Jubalabd Mudane Axmed Maxamed Islaan(Axmed Madoobe) ayuu ku tilmaamay nin kasoo bixi kara xilka adag ee loo doortay isla markaana si kal iyo laableh usoo dhaweynayaan xilka cusub ee loo doortay.

…”"Waxaanu soo dhaweyneynaa una direynaa Hambalyo iyo bogaadina u direynaa  Madaxweynaha loo doortay Axmed Maxamed Islaan(Axmed Madoobe),aad iyo aad baanu usoo dhaweyneynaa…”"ayuu yir Gen Cabdisamad Cali Shire.

Baaqa Dawladda federaalka!!!

Madaxweyne Kuxigeenka Dawladda Puntland Gen Cabdisamad Cali Shire ayaa ugu baaqay dawladda federaalka Soomaaliya iney taageeraan Madaxda Jubaland isla markaana ka gacan siiyaan arrimaha dib u dhiska deegaanka.

…”"”Waxaan kula talineynaa kuna boorineynaa Dawladda federaalka iney gacan siiso dawladda halkaas ka dhalatay.waxaanu leenahay waa Xaqey lahaayeen …”"”ayuu yiri.

Gadoodka Ciidamada.

Gen Cabdisamad Cali Shire ayaa sheegay Ciidamo gadooday oo Puntland ka tirsan aysan haba yaraatee jirin isla markaana Ujeedada magaalada Boosaaso u Yimaadeen aysanba ahayd arrimo Gadood.wuxuuna intaas ku daray in dhibaato jirta oo Ciidanka haysta aysan Ogeyn.

Halkan ka dhageyso Codka Gen Cabdisamad Cali Shire uu ku beeninayo iney Ciidamadu Gadoodin Guji Halkan

…”"” Ciidan gadooday ama Mushahraad la siin waayey anagu ma aanan arag umana aana iman, Kormeer guud baanu gobolka ugu nimid,arinka Ciidanka aad soo hadal qaadayna wax dhibaato ah oo Ciidamada ka taagan haba yaraatee majirto,…”"”ayuu yiri

Wuxuu amaan ballaaran usoo jeediyey Ciidamada Xooga Puntland,wuxuuna ku sifeeyey iney yihiin kuwa dhiigooda iyo naftooda u hara Shacabka Puntland loona baahyahay in la Ogaado mar kasta.

…”"”Ciidamadu waa kuwa aynu ku faano,waa kuwa ina daafaca,waa kuwa naftooda iyo dhiigooda qaaliga ah u huray iney Ummadatan iyo dalakan ay badbaadiyaan aad iyo aad baan bogaadin iyo amaan ugu soo Jeedinayaa uguna baaqayaa shacabweynaha reer Puntland iney arintaas Ogaadaan…”"”ayuu yiri.

____________________________

Cismaan Turaabi

Use Facebook to Comment on this Post