Guddoomiyaha gobolka Bari Cabdisamad Maxamed Gallan
Boosaaso[RBC Radio] Guddoomiyaha gobolka Bari Cabdisamad Maxamed Gallan ayaa ugu hambalyeeyey Madaxweynaha cusub ee Jubaland Axmed Maxamed Islaan(Axmed Madoobe) xilka adag loo magacaabay,wuxuuna EEBE uga baryey in uu u fududeeyo.
Guddoomiyaha gobolka Bari Cabdisamad Gallan oo Saxaafada kula hadlay gudaha magaalada Boosaaso ayaa Shacabka Jubaland iyo Madaxweynahooda cusub ee Axmed Madoobe u rajeeyey Nabad iyo horumar iney gaaraan.
Guddoomiyuhu,wuxuu dawladdda federaalka Soomaaliya ee Madaxweynaha ka yahay Xasan Shiikh Maxamuud ugu baaqay in ay taageero dhan kastaba u fidiso Maamulka cusub ee Jubaland ee Axmed Madoobe hoggaamiyo.
Dhanka kale Nabadoonada gobolka Bari ayaa maanta iyaguna sheegay iney si weyn usoo dhaweynayaan Madaxweynaha cusub ee Maamul-goboleedka Jubaland Axmed Maxamed Islaan(Axmed Madoobe),waxayna EEBE uga baryeen in Xilka u fududeeyo.
Halkan ka Dhageyso Codka Guddoomiyaha gobolka Bari Cabdisamad Maxamed Gallan Guji halkan
Guddoomiyaha Nabadoonada gobolka Bari Cabduqaadir Axmed Ibraahim Xarago oo ayaa sheegay in xilka cusub ugu hambalyeynayaan Madaxweynaha Jubaland Axmed Madoobe isla markaana ku gacan siin doonaan arrimaha loo doortay.
Nabadoon Cabduqaadir Ibraahim Xarago ayaa ugu baaqay Beesha Caalamka iyo Dawladda federaalka Soomaaliya in laga taageero dhan kasta Madaxweynaha cusub ee Jubaland Axmed Maxamed Islaan(Axmed Madoobe).
Guddoomiyaha Nabadoonada gobolka Bari Cabduqaadir Axmed Ibraahim Xarago
Wuxuu wax kama jiraan ku tilmaamay Sheegashada Siyaasiga Barre Hiiraale ku sheegtay in uu yahay isaguna Madaxweynaha cusub ee Jubaland isla markaana wada dhibaato iyo iska hor-keen bulshada dhexdeeda ah taasina marnaba aanan loo baahneyn.
Si kastaba Madaxweynaha cusub ee Jubaland Axmed Maxamed Islaan(Axmed Madoobe) ayaa si weyn waxaa usoo dhaweeyey Shacabka Puntland iyadoona Madaxda Puntland iyana sheegeen iney garab taagan yihiin Maamulka cusub ee dadka reer Jubaland soo doorteen,
_____________________________
Cismaan Turaabi
Use Facebook to Comment on this Post
