Muqdisho(RBC) Munaasabad si heer sare ah loosoo agaasimay oo ay xilalka kula kala wareegayeen taliyaha cusub ee ciidanka booliska Soomaaliyeed iyo taliyihii hore ee booliska Soomaaliyeed ayaa maanta Muqdisho lagu qabtay,munaasanbada ayaa waxaa ka qaybgalay R/wasaaraha dalka,wasiirka arimaha gudaha,saraakiisha ciidamada iyo marti sharaf kale.
Shariif Sheekhunaa Maye oo ah taliyaha xilka wareejiyey oo munaasabada ka hadlay ayaa sheegay inuu ku faraxsan yahay wareejinta xilka taliyanimada booliska Soomaaliyeed,wuxuuna goobta ku ballan qaaday iney mar walba la shaqyn doono taliska cusub ee ciidanka,isagoona tilmaamay inuu yahay nin ku gaamuray hawsha booliska marnabane aysan dheceen inuu faraha kala boxo hawlaha booliska balse wuxuu carrabka ku adkeeyey inuutalo,tusaale iyo wixii kale oo uu ku biirin karo booliska Soomaaliyeed inuu diyaar ula yahay.
Taliyaha cusub ee ciidanka booliska Soomaaliyeed ayaa sheegay inuu horumar gaarsiin doono cioidamada booliska Soomaaliyeed Gen.C/xakiin Daahir Siciid oo loo yaqaano Saacid ayaa sheegay inuu gudan doono waajibaadka ka saaran in ciidamadu ay helaan baahidooda gaarka ah si ay u gutaan hawsha qaran ee ay bulshada u hayaan.
Wuxuuna shaaca ka qaaday inuu ku dadaali doono sidii uu ciidamada ugu heli lahaa,Mushaharaadkooda,tababarkooda,qalabeyntooda iyo dhammaan adeegyada kale ee aas-aasiga ah ee ay xaqa u leeyihiin si ay ugu gutaan hawsha loo igmaday si hufan.
R/wasaaraha Soomaaliya Cabdi Faarax Shiirdoon Saacid ayaa u hambalyeeyey taliska cusub ee ciidamada booliska Soomaaliyeed,isagoona ammaanay hawshii wanaagsaneed ee uu soo qabtay taliyihii hore ee booliska iyo sida wanaagsan ee uu u wareejiyey xilka taliska booliska Soomaaliyeed.
R/wasaare Saacid ayaa sheegay in mudnaanta koowaad ee dowlada Soomaaliya ay tahay sugida amniga dalka hawshaasne ay dowlada ugu xilsaaran yihiin ciidamada booliska Soomaaliyeed,wuxuuna ka dalbaday taliska cusub ee ciidanka booliska Soomaaliyeed iney la yimaadaan qorshe cad oo lagu sugayo amniga dalka.
RBC Radio
Xafiiska Wararka Muqdisho
Use Facebook to Comment on this Post
