Nairobi(RBC Radio) Madaxweynaha wadanka Kenya Uhuru Kenyatta ayaa si sarmi ah loo shaaciyey inuu ka qaybagalayo shirka Soomaalida uga furmaya magaalada London ee dalka UK,Kenyatta oo ay si weyn u doon-dooneyso Maxkamada danbiyada dagaalka adduunka ee ICC ayaa la shaaciyey iney soo gaartay casuumaadii uu kaga qaybgali lahaa shirka London.
Waana booqashadiisii ugu horeysay ee uu ku tago Caasim ka mid ah caasimada wadamada reer Galbeedka tan iyo markii uu ku guuleystay doorashadii Bishii March ee sanadkan ka dhacday dalka Kenya, Uhuru Kenyatta ayaa loo haystaa eedo ku saabsan inuu ku lug lahaa rabshadihii dhiigga badan ku daatay ee dalka Kenya ka dhacay dabayaaqadii sanadkii 2007,markaaso oo si weyn loogu murmay natiijadii doorashadii madaxtimono ee dhacday dalkaas.
“Kenya waa saaxiib muhim ah marka ay timaado arimaha Soomaaliya,sidaas darteed annaga oo ka duuleyna Kaalinta iyo Saamaynta Kenya ee Soomaaliya ayaan la xiriirna Kenyatta” sidaasi waxaa wargeyska The Guardian ee kasoo baxa dalka Ingiriiska u sheegay afhayeen u hadlay xafiiska arimaha dibada ee dalka Ingiriiska.
Ilo ku dhow-dhow madaxweynaha Kenya Uhuru Kenyatta iyo diblamaasiyiinta labada dal ee Kenya iyo UK ayaa tilmaamay in madaxweyne Kenyatta uu ka qaybgalayo shirka 7-da bishan ka furmaya magaalada London kaasoo lagu taageerayo dib u dhiska dalka Soomaaliya.
Dowladaha Kenya iyo Soomaaliya ayaa bah-wadaag ku ah dagaalka lagula jiro kooxda alshabaab,Kenya ayaa gudaha Soomaaliya usoo diray 5-Kun oo Askari si ay ula dagaalamaan alshabaab kuwaas oo markii danbe ku biiray hawlgalka nabad ilaalinta midowga Afrika ee AMISOM.
RBC Radio
Xafiiska Wararka Muqdisho
Use Facebook to Comment on this Post
