Muqdisho(RBC Radio) Intada badan wadooyinka magaalada Muqdisho ee caasimada Soomaaliya ayaa saaka xaniban waxaana gabi ahaanba la joojiyey isu socodka gaadiidka,Ciidamo fara badan oo ka tirsan booliska dowlada Soomaaliya ayaa gaaf wareegaya wadooyinka Muqdisho kuwaas oo adkeynaya amniga caasimada.
Wadooyinka ugu muhiimsan ee saaka xaniban ayaa waxaa ka mid ah wadada Makka-Al-mukarama ee isku xirta garoonka diyaaradaha magaalada Muqdisho iyo xarunta madaxtooyada qaranka ee Villa-Soomaaliya,ilaa hada macadda sababaha dhabta ah ee hakadka loo galiyey isu socodka wadooyinbkaasi.
Xiliyada ay wufuuda heerka caalami ah ay kasoo dagayaan garoonka diyaaradaha a Aadan Cadde ee magaalada Muqdisho ayaa waxaa sida caadiga ah la xayiraa isu socodka wadooyinka qaar ee magaalada Muqdisho si loo xaqiijiyo amniga wufuuda dalka soo gaara.
Wixii kusoo kordha xaalada Muqdisho iyo sababaha hakadka la galiyey isu socodka gaadiidka wadooyinka qaar ee magaalada Muqdisho kala soco Raxanreeb.
RBC Radio
Xafiiska Wararka Muqdisho
Use Facebook to Comment on this Post
