Baraawe (RBC Radio) Ururka Al Shabaab ayaa sheegay iney tababaro usoo gabagabeeyeen ciidamo fara badan oo ka tirsan alshabaab, sida uu sheegay ninka ugu magacaaban gudoomiyaha Al Shabaab ee gobolka Shabeelaha Hoose Sheekh Maxamed Abuu Cabdalla.
Sheekh Maxamed Abu Cabdalla oo goob fagaaro ah kula hadlayey boqolaal ka tirsan ciidanka alshabaab oo dhoolatus kusoo bandhigay degmada Baraawe ee gobolka Shabeelaha hoose ayaa sheegay iney tababaro usoo xireen dhalinyaro badan oo ka midnoqonaya ciidanka alshabaab.
Wuxuuna sheegay iney ciidanka cusub ee ka tirsan alshabaab iney gacan weyn ka geysan doonaan sidii ay alshabaab u laba jibaari lahaayeen dagaalada ay kula jiraan waxa uu ku tilmaamay cadowga Shisheeye ee isa soo bahaystay ee dalka kusoo duulay.
Maxamed Abu Cabdalla ayaa sheegay in ciidamada shisheeye ee gacanta siinaya dowlada Soomaaliya iney ku fashilmeen ujeedooyinkii ay usoo galeen gudaha Soomaaliya isla markaane ay xiligan ka shalaynayaan soo galidoodii dalka soomaaliya.
Abu Cabdalla ayaa ku nuuxnuuxsaday iney ku rajo weyn yihiin in maalmaha soo aaddan ay jab xoogan gaarsiin doonaan ciidamada dowlada Soomaaliya iyo kuwa garabka milateri siinaya,wuxuuna daboolka ka qaaday in alshabaab ay dagaalka wadayaan ilaa ay dalka ka saaraan waxa uu ugu yeeray cadowga duulaanka qaawan kusoo qaaday umada Soomaaliyeed sida uu hadalka u dhigay.
RBC Radio
Use Facebook to Comment on this Post
