Istanbuul(RBC Radio) Gudoomiyaha baarlamaanka federaalka dalka Soomaaliya Maxamed Sheekh Cismaan Jawaari oo ku sugan wadanka turkiga ayaa la kulmay masuuliyiin ka tirsan wadanka Turkiga Jawaari oo si weyn loogu soo dhaweeyey garoonka diyaaradaha magaalada Istanbuul ayaa halkaa kulan kula qaatay duqa magaalada Istanbuul oo ay ka wada hadleen arimaha Soomaaliya.
Maxamed Sheekh Cismaan Jawaari ayaa lagu wadaa inuu gaaro magaalada Ankara halkaas oo uu kula kulmi doono madaxda ugu sareysa dowlada dalka Turkiga oo ay ka mid yihiin R/wasaare Rajab Dayib Ordagan iyo madaxweynaha dalkaas Cabdalla Guul.
Jawaari ayaa madaxda dalka Turkiga kala hadli doona arimo fara badan oo quseeya dalka Soomaaliya,gudoomiyaha baaralamanka federaalka ayaa waxaa socdaalkiisa qayb ka ah oo ku wehlinaya qaar ka mid ah gudoomiyaasha gudiyada joogtada ah ee golaha baarlamaanka Soomaaliya.
Gudoomiyaha baarlamaanka Federaalka ayaa inta uu ku sugan yahay wadanka Turkiga kulan la qaadan doona madaxa ugu sareeya hay’ada horumarinta dalka Turkiga ee Tika oo uu kala hadli doono dib u dhiska xarunta golaha shacabka oo ay hore u ballan qaadeen iney dib u dhis ku samayn doonaan.
RBC Radio
Xafiiska Wararka Muqdisho
Use Facebook to Comment on this Post
