Garoowe[RBC Radio]Madaxweynaha Soomaaliya Xasan Sh. Maxamuud iyo wafdi uu hogaaminayo ayaa goor dhawed ka tagay magaaladda Garoowe ee caasimada Puntland , halkaasoo si weyn ay ugu soo dhaweeyeen madaxda Puntland oo uu horkacayey m/weynaha Puntland Dr. C/raxmaan Sh. Maxamed iyo ku xigeenkiisa Gen. C/samad Cali Shire iyo xubno ka mida golayaasha dawladda.
Socdalka Madaxweynaha Soomaaliya Xasan Sh. Maxamuud waxaa ku waheliyey wasiirka maaliyadda iyo qorshaynta Maxamuud Xasan Sulaymaan (Cawil) iyo xildhibaano ka tirsan baarlamaanka Soomaaliya.
Soo dhaweyn ka dib waxaa wafdiga m/weyne Xasan Sh. Maxamuud loo gudbiyay xarunta madaxtooyada ee Garoowe, halkaasoo kulamo uu kula qaadan doono madaxweynaha Puntland Dr. Faroole.
Booqashada m/weynaha oo aan illaa hadda la ogayn ujeedadeda,sidoo kale wali lama shaacin inta ay qaadan doonto, waxaana wararka qaar ay sheegayaan in m/weyne Xasan uu booqashadiisa Puntland ka dib uu safar ku tagi doono magaalada Kismaayo ee xarunta gobolka Jubadda hoose halkaasoo uu ka socdo shir la doonayo in lagu dhiso maamulka Jubba-land oo ka kooban gobolada Jubbooyinka iyo Gedo.
Waa booqashadaan ayaa noqonaysa tii ugu horeysay oo madaxweyne Xasan Sh. Maxamuud uu ku yimaado Puntland tan iyo markii loo doortay hoganka sare ee dalka.
Faaf faafinta wararkan oo ay sawirro lasocdaan kala soco goor dhow Raxanreeb.com
RBC Radio
Xafiiska Garoowe
Use Facebook to Comment on this Post
