Gaalkacyo(RBC Radio) R/wasaaraha xukuumada Soomaaliya Cabdi Faarax Shiirdoon iyo wafti ballaaran oo uu hogaaminayo ayaa ku wajahan magaalada Gaalkacyo ee xarunta gobolka Mudug wararka ka imaanaya magaalada Gaalkacyo ayaas sheegay in halkaasi ay ka socoto qaban qaabada loogu jiro soo dhaweynta R/wasaaraha xukuumada Soomaaliya.
Amniga magaalada Gaalkacyo ayaa si weyn loo adkeeyey waxaana iska kaashanaya ciidamada maamulada Galmudug iyo Puntland,garoonka diyaaradaha ayaa waxaa xiligan ku sugan masuuliyiin iyo shacab fara badan kuwaas oo u taagan soo dhaweynta R/wasaaraha dalka iyo waftiga wehlinaya.
R/wasaaraha ayaa socdaalkiisu waxa uu ku wajahan yahay Koonfurta magaalada Gaalkacyo oo uu ka arimiyo maamulka Galmudug,R/wasaaraha ayaa maalmihii danbe booqashooyin is daba joog ah ku marayey gobolada dalka isagoona maalmihii danbe ku sugnaa magaalada Garoowe ee xarunta maamulka Puntland.
Wixii kusoo kordha Safarka R/wasaaraha xukuumada Soomaaliya Cabdi Faarax Shiirdoon ee magaalada Gaalkacyo kala soco warar RBC Radio
RBC Radio
Xafiiska Wararka Muqdisho
Use Facebook to Comment on this Post
