Sanca(RBC Radio) Dowlada wadanka Yeman ayaa sheegtay iney diyaar u tahay iney gacan ka geysato joojinta hubka sharci darrada ah ee ku qulqulaya gudaha dalka Soomaaliya wasiirka arimaha dibada dalka Yeman Abu bakar Al-qirbi oo warbaahinta dalkaa la hadlayey ayaa shaaca ka qaaday in dowlada Yeman ay door muhiim ah ka qaadaneyso joojinta hubka sida sharci darradaha lagu galiyo gudaha Soomaaliya.
“Waxaan hore u adkeynay amniga xeebaha dalkeennu la wadaago Soomaaliya,si uusan alshabaab hub ugu gudbin ay kusii huriyaan colaadaha dalka Soomaaliya” sidaas waxaa yiri wasiirka arimaha dibada wadanka Yeman Abu Bakar Al-qirbi.
Wasiirka ayaa sheegay iney wadahadalo dowlada Yeman ay la yeelatay kooxda la socodka xayiraada hubka ee saaran Soomaaliya oo qayb ahaaan dhawaaantan laga qaaday,wuxuuna sheegay in dalka Yeman uu ballan qaaday iney ka qayb qaataan joojinta hubka sida sharci darrada ah loogu tallaabiyo gudaha Soomaaliya.
Golaha ammaanka ee qaramada midoobe ayaa dhawaan qaaday qayb ahaan cunaqabteyntii hubka ee Soomaaliya saarneed,waxaana loo ogolaaday dowlada Soomaaliya iney soo iibsan karto hubka qaarkiisa fudud,waxaana wali aan la ogoleyn in hubkaas ay lasoo dagaan cid aan ahayn dowlada federaalka ee dalka ka jirta.
RBC Radio
Xafiiska Wararka Muqdisho
Use Facebook to Comment on this Post
