Muqdisho(RBC Radio) Midowga Yurub ayaa cambaareeyay dilkii shalay gelinkii magaalada Muqdisho loogu gaystay Alle ha u naxariistee wariye Maxamed Ibraahim Raage oo ka tirsanaa shaqaalaha warbaahinta dowladda.
Wakiilka gaarka ah ee ururka Midowga Yurub u qaabilsan arimaha dalka Soomaaliya Michele Cervone d’Urso ayaa sheegay inuu cambaaraynayo dilka wariye Maxamed Ibraahim Raage, d’Urso ayaa ka dalbaday dowlada iney howlgeliso guddigii ay sheegtay iney u xilsaartay dabagalka dilalka arxan darrada ah ee lagu ugaarsanayo saxafiyiinta Soomaaliyeed.
Michele Cervone d’Urso ergeyga Midowga Yurub u qaabilsan Soomaaliya ayaa dowladda Soomaaliya ku guubaabiyay inay dammaanad qaado sugida ammaanka dadka ka shaqeeya warbaahinta dalka Soomaaliya oo taarged u ah kooxo arxan laawayaal ah.
Wakiilka midowga Yurub ee Soomaaliya Michele Cervone d’Urso ayaa ballan qaaday iney taageeri doonaan dadaalada lagu doonayo in cadaalada lagu horkeeno kooxaha caadeystay gumaadka wariyaasha Soomaaliyeed.
RBC Radio
Xafiiska Wararka Muqdisho
Use Facebook to Comment on this Post
