Muqdisho(RBC Radio) Waaberigii hore ee saaka ayaa waxaa degmada Hodan ku geeriyooday nin ku hawlanaa dhigida Miino uu aasayey taasoo isaga ku qaraxday ,Miinada ayaa ninka aasayey kula qaraxday inta u dhaxaysa Tarabuuka iyo Isgoyska KM-4 ee degmada Hodan ee gobolka Banaadir.
Markii uu qaraxu dhacay ayaa waxaa goobta gaaray ciidamo ka tirsan booliska dowlada Soomaaliya oo isku gadaamay nawaaxiga uu qaraxu ka dhacay,taliyaha laanta danbi baarista ciidanka booliska Soomaaliyeed ahna afhayeenka booliska C/laahi Xasan Bariise ayaa sheegay in qaxara uu ku geeriyooday ninkii dhigayey,isla markaane uusan jirin khasaaro kale oo ka dhashay qaraxaas.
Jen.Bariise ayaa sheegay iney gacanta kusoo dhigeen 7 ruux oo lala xiriirinayo iney gacan kusiinayeen ninka Miinadu ku qaraxday sidii uu u aasi lahaa Miinada iyo gaari nuuca raaxada ah oo uu tilmaamay iney wateen,wuxuua tilmaamay iney u dhaadhiciyeen xarunta danbi baarista CID-da si baaritaano dheeraad ah loogu sameeyo dadkaasi.
Meydkii ninka la sheegay inuu ahaa ninkii ku hawlanaa dhiga Miinada qaraxday ayaa wali yaalla halkii ay Miinadu kula qaraxday Jen. Bariise ayaa sheegay in gudoomiyaha degmada Hodan loo xilsaaray sidii uu u asturi lahaa maydka ninkaas oo aan la garan karin kadib markii ay si xun ugu gubtay qaraxa Miinada.
RBC Radio
Xafiiska Wararka Muqdisho
Use Facebook to Comment on this Post
