Odayaasha Dhaqanka gobolka Bari Oo Loo Qabtay Aqoon Isweydaarsi Ku Saabsanaa Khilaafka iyo Sida Lagu Xaliyo [Sawirro]

Odayaasha dhaqanka ee Aqoon Isweydaarsiga loo qabtay Maanta

Boosaaso[RBC Radio] Waxaa maanta loo qabtay Aqoon Isweydaarsi qaar kamid ah Odayaasha dhaqanka ee gobolka Bari,kuwaas oo kor u dhaafayey ku dhawaad 30-Oday,iyadoona Kulankaas uu ka dhacay Xarunta Rugta Ganacsiga iyo Warshadaha Puntland ee Boosaaso,

Culima’udiinka gobolka Bari oo u qabtay Odayaasha dhaqanka gobolka Aqoon Isweydaarsiga ayaa u Jeediyey laba Muxaadiro oo si faah-faahsan uga hadleysay arrimaha keena Khilaafka Bulshada Soomaaliyeed dhexdooda ka taagan iyo sida ugu wanaagsan ee looga gudbi karo,waxaana soo Jeediyey Shiikh Cabdishaafi Axmed Cali iyo Shiikh Cabdullaahi Cabdi Shabeel.

Labada Shiikh ayaa si qoto dheer oo faahfaahsan ugu dheeraaday muhiimada ay Ummadu u leedahay Dhexdhexaadinta,iyagoona sheegay in Bulshada looga baahanyahay in arrimaha dhanka Khilaafkooda ay Iskood u Xaliyaan kuna dabaqaan diinta Islaamka.

Shiikh Faarax Maxamed Cajab

Shiikh Faarax Maxamed Cajab oo furitaanka Aqoon Isweydaarsiga ka hadlay ayaa sheegay in Ujeedada loo doortay Mawduuca ku Saabsan Qabyaalada iyo dhibka ay Soomaaliya ku hayso ay tahay jiro ku faaftay bulshada dhexdeeda loona baahanyahay in Ummada laga wactigeliyo si ay u fahmaan khayrka wanaagsan.

…”"Waxay boqotay Qabyaaladu jirada Soomaaliya ay ka simantahay,waxay noqotay Jirada ugu weyn ee Soomaaliya haysa,waxay noqotay albaabka fitnada ee Soomaaliya laga soo galo,waa albaabka firno ee cid kasta oo dooneysa iney Soomaaliya dhibaateyso Qabyaalad bey noo raadisaa ha ahaadee kuwa gudaha ama ha ahaadeen kuwwa dibada…”"“ayuu yiri Shiikh Cajab

Guddoomiye Kuxigeenka Rugta Ganacsiga iyo Warshadaha Puntland Maxamed Caydiid Jaamac

Guddoomiye Kuxigeenka Rugta Ganacsiga iyo Warshadaha Puntland Maxamed Caydiid Jaamac ayaa sheegay in Odayaasha dhaqanku ku amaanan yihiin ka qeybqaadasha Xal u raadinta dhibaatada ka dhex dhacda Ummada dhexdeeda isla markaana Hoggaan u yihiin horumar kasta oo Ganacsigu kow ka yahay,

Wuxuu xusay Maxamed Caydiid Jaamac in wax kastaba ay fududaaneyso marka Odayaasha dhaqanka dhexdooda laga helo Isfaham iyadoona la helayo sida ugu dhakhsiyaha badan in Xal waara laga gaaro dhibaatada dhacda.

…”" Haddii Nabadoonadu isfahmaan wax badan baa fududaanaya,waxaa fududaanaya in xal kasta horumar laga gaaro oo bulshada dhexdeeda ah,waxaa inoo yaala waxyaabo badan oo dhibaatooyin bulshada ka dhex dhacay oo aan dhameystirmin haddii Nabadoon kasta u arko dhibtaa dhacday iney tahay dhib taabaneysa Isaga waxay fududeyneysaa in arintaas Xal laga gaaro….”"“”ayuu yiri.

Nabadoon Maxamed Warsame “Sinjibiil”

Nabadoon Maxamed Warsame “Sinjibiil” oo isna ku hadlay afka Nabadoonada ka qeybqaatay Aqoon Isweydaarsiga ayaa kusoo gabagabeeyey Duco iyo dardaaran uu u Jeediyey Ka qeybqaatayaashii Aqoon Isweydaarsiga iyo Culumadii kasoo Jeedisay Muxaadirada.

Wuxuu tilmaamay in Odayaasha dhaqanku yihiin kuwa had iyo jeer qaba dhibaatooyin kala duwan tan ugu weyna ay ku qabaan dadka ay kasoo Jeedaan,wuxuuna ka codsaday Culuma’diinka in ay kala qeybqaataan Nabadeynta Ummada Soomaaliyeed ee khilaafku rafaadiyey,

Si kastaba waa markii ugu horeysay oo Aqoon Isweydaarsi kan oo kale ah loo qabto Odayaasha dhaqanka gobolka Bari,waxaana soo qabanqaabisay Mu’asasada AL-MINHAJ oo ah mid ka shaqeysa wacyigelinta bulshada iyo wanaag farida diinta Islaamka.