Muqdisho(RBC Radio) Gudoomiyaha maamulka gobolka Banaadir Max’uud Axmed Nuur Tarsan ayaa ugu baaqay ciidamada xooga dalka iney ilaashadaan sumcada iyo sharafta ay leeyihiin gudoomiyaha gobolka oo hadal ka jeedinayey munaasabada 12-ka April ee maalinta aas-aaska ciidanka xooga ayaa sheegay iney jiraan kooxo caadeystay iney hoos u dhigaan sharafta ciidanka xooga dalka.
Tarsan ayaa sheegay iney tahay arin aan la aqbali karin in ciidamada xooga dalka oo xabadka u dhiganaya xabbadda alshabaab in hadane ay dad danbiilayaal ah oo kusoo labista direeska cidanka ay ku ciyaaraan sumcada iyo sharafta ciidamada dowlada.
Gudoomiyaha gobolka Banaair ahne duqa magaalada Muqdisho Max’uud Axmed Nuur Tarsan ayaa ugu ku booriyey ciidanka xooga dalka iney gacan bir ah ku qabtaan kooxaha shacabka ku dhibaateeya direeska ciidanka xooga kuwaas oo uu sheegay iney iska horkeenayaan ciidamada iyo shacabka.
“Waa inaad dgowrataan haybadda iyo karaamada ay ku dhex leedihiin shacabkiina Soomaaliya,kana hortagtaan cid walba oo isku dayda iney dhaawacdo sharaftiina” ayuu hadalkiisa kusii daray gudoomiyaha gobolka Banaadir,hadalka Tarsan ayaa imaanaya xili ay meelo badan oo dalka ah ka dhacaan dhibaatooyin loo geysto shacabka kuwaas oo ay ku kacaan rag ku labisan direeska ciidanka dowlada Soomaaliya.
RBC Radio
Xafiiska Wararka Muqdisho
Use Facebook to Comment on this Post
