Xildhibaan Bootaan Axmed Bootaan
Boosaaso[RBC Radio] Hoggaanka Kormeerka iyo Baarista Dawladda Hoose ee Boosaaso Xildhibaan Bootaan Axmed Bootaan ayaa maanta sheegay in uu iska casilay Xubunimadii Gollaha Shacabka ee Boosaaso.
Xildhibaan Bootaan Axmed Bootaan oo Raxanreeb la hadlay magaaladda Boosaaso ayaa sheegay in Sababaha uu uga tagay Shaqada ay tahay in uu u adkeysan waayey Musuq-maasuq baahsan oo ka jira Dawladda hoose iyo shaqaalaha oon muddo Mushaar qaadan.
Mushaar la’aan!!.
Xildhibaanku wuxuu sheegay in muddo Saddex bilood ah aysan wax mushaar ah qaadan Shaqaalaha dawladda hoose taasina ay keentay in mar kasta lagu eedeynaayey in lacagta ka maqan in Xildhibaanadu cuneen.
…”"” Shaqada markaan soo galno waxaa nala weydiiyaa Xildhibaanow maxaad noogu maqantihiin ama lacagtii ma idinkaa cunay arrintaasi waxay in Guddiga Joogtada ah ay mar walba isku
axalujiyaan in la xaliyo,…”“ayuu yiri.
Waxa uu tibaaxay in lacag gaareysa 5- bilyan iyo bar Sh,SO ah oo aaney ku jirin bilaha March iyo April ay kusoo xarootay Khasnada dawladda hoose ee Boosaaso Saddexdii bilood ee lasoo dhaafay.
Guddiga fulinta la Xisaabtan ma
Ogola!!!.
Guddiga fulinta oo u Madax u yahay Duqa degmada Boosaaso Xasan Cabdalla Xasan ayuu ku eedeeyey Xildhibaanku in aysan marnaba Ogoleyn in baaris iyo la Xisaabtan lagu sameeyo taasina ay u sii dheertahay Maamul xumo.
….”"” Dawladda hoose waa 9- waaxood,waxaa maamulka iska leh waa Guddiga Fulinta oo Maayarku(Duqu) madax u yahay sidaa daraadeed,waxaa muuqata in maamul xumo ay dhacday laakiin anigu ma dhihin cid baa lunsatay
dhaqaalahaas…”"”ayuu yiri Xildhibaan Bootaan,
Xildhibaan Bootaan ayaa sidoo kale sheegay in Gollaha deegaanka ee Boosaaso aanan weli la horegayn dhaqaalaha maqan iyaguna aysanba soo hadal-qaadin sida Xaaladu ay tahay,wuxuuna xusay in dulmiga jira darteed uu isku Casilay.
…”"” Damiirkayga wey isiin weyday inaan isbadel ku sameyno balse waan ku guuldareysanay inaan ka tago oo aanan markhaati ka noqon dulmiga intaas leeg iyo in ka badan,,,”’ayuu yiri,
Duqa degmada Boosaaso ahna Guddiga fulinta Xasan Cabdalla Xasan kama uusan hadlin Musuq-maasuqa la sheegay in Dawladda hoose ay ka jirto,waxaana uu noqonayaa Xildhibaankii ugu horeeyey ee Gollaha deegaanka Boosaaso iska casila..
________________________________
Cismaan Turaabi
RBC Radio
Xafiiska Boosaaso
Use Facebook to Comment on this Post
