Dhuusamareeb(RBC Radio) Kooxo hubeysan ayaa maanta 5 ruux oo rayid ah ku dhaawacay gobolka Galgaduud ee bartamada dalka Soomaaliya kooxaha dhaawaca geystay ayaa la sheegay iney jidgooyo u taallay inta u dhexeysa deegaanada Gudin-labe iyo Mareergur ee gobolkaas.
Kooxda Jidgooyada dhigtay ayaa rasaas indho la’aan ah ku furay dadkan shacabka ahaa oo saarnaa gaari xamuul ah oo ay saarnaayeen waxaana goobta ka dhashay khasaaraha dhimashada 5 ruux oo mid kamid ah uu ahaa Ilmo aad u yar.
Kooxdii falka dhaawaca ah u geystay dadka rayidka ahaa ayaa kadkii ka badbaaday rasaasta ay ku fureen baarasho ugu dhaqaaqay iyagoona ka furtay dhamaan wixii ay wateen waxaana warbaahinta u xaqiijiyey dhacdadaas lagu dhibaateeyey gudoomiyaha degmada Dhuusamareeb Macalin C/raxmaan Cali Max’ed oo loo yaqaano “Geeda-Qorow”
Geeda-Qorow ayaa sheegay in dableydaasi ay fal arxan darro ah kula dhaqaaqeen gaari rakaab ah oo ka yimi magaalada Gaalkacto ee xarunta gobolka Mudug kaasoo kusoo jeeday magaalada Muqdisho ee caasimada Soomaaliya,dadkii ki dhaawacmay rasaasta ay kooxda burcadka ah ku fureen ayaa waxaa la gaarsiiyey Isbitaalka magaalada Dhuusamareeb halkaas oo lagu dabiibayo xaaladooda caafimaad.
RBC Radio
Xafiiska Wararka Muqdisho
Use Facebook to Comment on this Post
