Kismaayo [RBC Radio] Madaxweynaha maamulka KMG ah ee Jubba Sheekh Axmed Maxamed Islaam (Axmed Madoobe) ayaa maanta booqasho ku tagey goobo muhiim ah oo ku yaalla magaalada Kismaayo ee xarunta gobolka Jubbada hoose.
Booqashada madaxweynaha waxaa ku waheliyey mas’uuliyin sar sare oo ka tirsan maamulka iyo ganacsato ,waxaana ay tageen xaruntii hore ee Terminalka, taasoo lagu keydin jiray kunteenarada kasoo dega dakadda magaalada Kismaayo.
Xaruntii hore ee Terminalka waxaa xilligan soo gaaren bur bur xoog-leh waxaana uu sheegay madaxweyne Axmed Madoobe in ay dayactir ku sameyn doonaan islamarkaana ay dib usoo celin doonaan adeegyadii loo isticmaali jiray xaruntaasi.
Madaxweeyne ku-xigeenka labaad ee Jubba Suldaan C/qaadir Lugadheere ayaa sheegay in mdayactir ay ku sameyn doonaan goobtani, isagoo sheegay in ay ogeysiinayaa dowladaha caalamka in dekedda Kismaayo ay tahay mid caalami ah islamarkaana ay kusoo xiran karaan maraakiibta ganacsi.
Madaxweeynaha iyo xubnihii ku wehlinayay kormeerkiisa ayaa sidoo kale booqday xarumo ay ku shaqeyn jirtay dowladii hore ee Soomaaliya kuwaasoo hore looga saaray dad shacab ah oo deganaa dhawaanna dayactir lagu sameeyay.
Waxaa la sheegay inuu booqashada uu maaxweynaha ku tagey goobo ku yaalla Kismaayo ay qeyb ka tahay qorsha la donayo in lugu hormariyo magaalada Kismaayo.
____
RBC Radio