Garoowe [RBC Radio] Garaad Cali Aadan Diini oo ka mid ah salaadiinta beesha Tanade Daarood ayaa siweyn loogu soo dhaweeyey magaalada Garoowe ee caasumada dowladda Puntland.
Banaanka hore ee Garoowe waxaa ugu hortagey waftiga garaadka dadweyne aad u farabadan kuwaaso isagu jiray,odayaal,waxgarad,siyaasiyin iyo dhallinyaro,waxaana kulan qada ah ay ku qaaten gudaha magaalada.
Garaadka ayaa xubnihii soo dhaweeyey waxaa uu la qaatey shirar kala gadisan oo u ka xog wareysanayey ayna ku kala warqaadanayeen.
Dadka uu la shirey Garaad Cali waxaa ay u badnaayeen odayaal iyo dhallinyaro,waxaana ka mid ah xubnihi ka qeyb-galay kulanka garaadka Nabadoon Siciid Faarax (Garas),Nabadoon Shaafici Jaamac Roorshe,xildhibaan Maxamed Dheer,Saciid Ciro-weyne,Caaqil Cali Daad Saciid,Xildhibaan Cismaan Siciid Dhoodi,Cor,Maxamed Faarax Cali (Gurey).
Dowladda Puntland,waxaa kulan uu garadka qeybaha bulshada uu la qaadanayey kaga qeyb-galay wasiir ku-xigeenka wasaaradda duuliska hawada,C/llaahi Jaamac Roorshe.
Dhammaanba mas’uuliyinta iyo odayaasha waxaa ay sheegen inay ku faraxsan-yihiin iman-shiyaha Garaad Cali Aadan Diini waxaana ay ugu warbixiyeen xaaladda guud ee gobolka.
Garaad Cali Aadan Diini ayaa isna khudbad taarikhi ah oo u ka jeediyey kulan weynaha waxaa uu kaga hadley arrimo badan,waxaana uu sheegay inuu safar dheer ku soo kala bixiyey inta badan deegaannada Puntland ee ku yaalla bariga fog,waxuuna uu tilmaamey inuu la soo shirey bulshada ku dhaqan deegaannada uu tagey.
…””‘Waad ku mahad-santihiin sida qurxoon ee ad caasumada noogu soo dhaweysen,waxaan soo marney deegaanno badan oo ka mid ah Puntland,ujeedkeno waxaa uu yahay sidii an ugu kur-gali lahayeen xaaladda,waxaana tageyna deegaannada ku yaalla gobolka Mudug,..”‘ayuu yiri Garaad Cali Aadan Diini.
Socdalka uu Garaad Cali Aadan Diini ku kala bixinayo deegaannada Puntland,waxaa uu qeyb ka yahay u kurgalida xaaladda dadka ku nool deegaannada,waxaana uu boqon doonno inta badan deegaannada gobolka Mudug.
____
RBC Radio